'बिपीको नीति अहिले पनि सान्दर्भिक'

मेलमिलापको बाटोमा हिड्न दलहरूलाई आग्रह

काठमाडौ — प्रधानमन्त्री सुशील कोइरालाले बिपी कोइरालाले ल्याएको राष्ट्रिय मेलमिलापको नीति अहिलेपनि उत्तिकै सान्दर्भिक रहेको भन्दै सबै राजनीतिक दललाई त्यो बाटोमा हिड्न आग्रह गरेका छन् ।


उनन्चालिसौँ राष्ट्रिय एकता तथा मेलमिलाप दिवसका अवसरमा जननायक बिपी कोइराला स्मृति ट्रष्टले आज बिहान राजधानीमा आयोजना गरेको चियापान कार्यक्रमपछि संवाददातासँग सङ्क्षिप्त कुरा गर्दै उनले मुलुकको शान्ति, स्थायित्व, लोकतन्त्रको संस्थागत विकासका निम्ति संविधान अपरिहार्य भएको बताए । उनले भने–“राष्ट्रिय एकता तथा मेलमिलापबाटै लोकतन्त्रलाई स्थायित्व दिन सकिन्छ, सबै दलका नेताले नयाँ संविधान निर्माणका खातिर सहयोग एवम् समर्थन गर्नेमा म विश्वस्त छु ।” बिपी २०३३ पुस–१६ गते लामाे निर्वासनपछि भारतबाट मेलमिलापको नीति लिएर नेपाल फर्केका दिनलाई सम्झना स्वरुप मनाइने गरिन्छ ।
ट्रस्टका अध्यक्षसमेत रहेका प्रधानमन्त्री कोइरालाले मुलुकको चौतर्फी विकास र लोकतन्त्रको स्थायित्वका लागि बिपीले प्रतिपादन गरेको राष्ट्रिय एकता तथा मेलमिलापको नीति माध्यम बन्नसक्ने बताए । उनले मुलुकमा सक्रिय सबै दलका नेताले त्यसलाई प्राथमिकता दिनेमा आफूलाई संशय नभएको उल्लेख गरे ।
संविधानलेखनसहित विकास–निर्माणका काममा सबैको सहयोग र समर्थन प्राप्त हुनेमा आफू ढुक्क रहेको दोहोर्याउँदै उनले राष्ट्रिय एकता तथा मेलमिलाप दिवसले मुलुकलाई समृद्धि र विकासको बाटोमा डोर्याउन प्रेरणा मिल्ने बताए । रासस

 
 

प्रकाशित : पुस १६, २०७१ १२:३४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

'वीरलाई प्रष्ठिानबाट अलग गर'

छुट्टै केन्द्रीय शिक्षण अस्पताल बनाउन सिफारिस

काठमाडौ — व्यवस्थापिका संसद्को महिला, बालबालिका, ज्येष्ठ नागरिक र समाज कल्याण समितिअन्तर्गतको स्वास्थ्य तथा जनसंख्या उपसमितिले वीर अस्पताललाई चिकित्सा विज्ञान राष्ट्रिय प्रतिष्ठान (न्याम्स) बाट अलग गर्न सुझाब दिएको छ ।


शिक्षण संस्था भएकाले प्रतिष्ठानले आफ्नो छुट्टै अस्पताल बनाउनुपर्ने र वीर सरकारको छुट्टै केन्द्रीय अस्पताल हुनुपर्ने उपसमितिको निष्कर्ष छ ।
विगतमा वीर अस्पताललाई सरकारको केन्द्रीय र रिफरल अस्पतालका रूपमा मान्दै आएकोमा ०५९ मा अध्यादेशबाट स्वायत्त बनाइएको थियो । ०६३ मा
संसद्बाट ऐन पारित गरी प्रतिष्ठान बनाइयो र वीरलाई त्यस मातहतमा राखियो । प्रतिष्ठानको आफ्नो अस्पताल नभएसम्म वीरबाटै अध्ययन/अध्यापन गराउने निर्णय भएको थियो ।
'तर, यतिका समयसम्म पनि प्रतिष्ठानले छुट्टै अस्पताल नबनाएकाले त्यस्तो सुझाब दिएको हो,' उपसमितिका संयोजक डा. चन्द्रमोहन यादवले भने, 'हामीले पटक-पटक वीर अस्पताल, प्रतिष्ठानलगायत अन्य अस्पतालका पदाधिकारीबीच छलफल गरेर मात्रै यो सुझाब दिएका हौं ।'
उपसमितिले केही दिनअघि मूल समितिलाई बुझाएको प्रतिवेदनमा तीन वर्षभित्र प्रतिष्ठानले केन्द्रीय शिक्षण्ा अस्पतालका रूपमा छुट्टै अस्पताल निर्माण्ा गर्न र वीरलाई सुधार र विस्तारसहित केन्द्रीय अस्पतालका रूपमा व्यवस्थित गर्न सुझाब
दिएको छ ।
विद्यार्थीको पठनपाठनका लागि प्रतिष्ठानका विभिन्न ठाउँमा आंगिक अस्पताल भएकाले एकै ठाउँमा ल्याएर अध्ययन अध्यापन गराउन छुट्टै अस्पतालको सिफारिस गरिएको हो ।
उपसमितिले तयार पारेको प्रतिवेदनमा, 'प्रतिष्ठानको केन्द्रीय शिक्षण अस्पतालका रूपमा रहेको वीरमा सरकारी सेवामा रहेका र केन्द्रीय अस्पतालमा दरबन्दी भएका सबै चिकित्सक शिक्षणका लागि योग्य नहुन सक्छन् । तर, अस्पताल प्रशासन र प्रतिष्ठान पदाधिकारीले शिक्षक र गैरशिक्षकबीचको विभेद हल गर्नुपर्ने देखिन्छ ।'


 

प्रकाशित : पुस १६, २०७१ ११:४७
पूरा पढ्नुहोस्
प्रतिक्रिया
पठाउनुहोस्
ADVERTISEMENT