कांग्रेसले भन्यो, 'सहमति र प्रक्रिया सँगसँगै'

संविधानसभा अध्यक्ष नेम्वाङको ध्यानाकर्षण
-कुलचन्द्र न्यौपाने

काठमाडौं — कांग्रेसको पदाधिकारी बैठकले माघ ८ गते संविधान जारी गर्न प्रमुख राजनीतिक दलहरुबीच सहमतिको प्रयास र प्रकृयालाई सँगसँगै अघि बढाउनु पर्ने निष्कर्ष निकालेको छ ।


प्रधानमन्त्री निवास बालुवाटारमा बुधबार बसेको बैठकले संविधान जारी गर्ने प्रकृयालाई अघि बढाउन संविधानसभाका अध्यक्ष सुवास नेम्वाङको ध्यानाकर्षण गराएको छ । राजनीतिक रुपमा सहमतिको प्रयास पनि जारी राख्ने र संविधानसभाले प्रकृया पनि अघि बढाउनुपर्ने कांग्रेसको ठहर छ ।
बैठकपछि कांग्रेस सहमहामन्त्री पूर्णवहादुर खड्काले माघ ८ मा संविधान जारी गर्ने प्रयोजनका लागि संविधानसभाका अध्यक्षले कार्यव्यवस्था समितिको बैठकमा ल्याउने कार्यविधि सम्वन्धी प्रस्तावलाई सहयोग र समर्थन गर्ने निर्णय गरेको बताए ।
'बैठकमा सहमतिका लागि बार्ता प्रकृया कसरी अघि बढिरहेको छ भन्ने बारेमा विस्तृत छलफल र समिक्षा भयो,' खड्काले भने, 'माघ ८ मानै संविधान जारी गर्ने प्रयास गर्नुपर्छ र त्यसका लागि नियमावलीको दफा निलम्बन गर्ने र कार्यतालिका परिवर्तन गर्नुपर्ने अवस्था हुन्छ । यस्तो  अवस्थामा संविधानसभाका अध्यक्षले ल्याउने कार्यविधिलाई सहयोग गर्ने निर्णय गरिएको हो ।'
संविधानका अध्यक्ष नेम्वाङले बुधबारका लागि बोलाएको कार्यव्यवस्था समितिको बैठक एमाले अध्यक्ष केपी ओली राजधानी बाहिर रहेका कारण बिहीबार बिहानका लागि सारेका छन् ।
बिहीबार हुने कार्यव्यवस्था बैठकमा कांग्रेसले संविधानसभाको प्रकृयालाई अघि बढाउन नेम्वाङलाई औपचारिक आग्रह गर्ने भएको छ । कांग्रेसले माघ ८ नजिकिदै गर्दा 'एमाओवादी सहितको मोर्चा' टसमसमको अवस्थामा नभएको भन्दै संविधान जारी हुने सम्भावना कम रहेको निचोड निकाल्दै संविधानसभाका अध्यक्षले अघि बढाउने सम्पुर्ण प्रकृयामा साथ दिने बताएको छ ।

 

प्रकाशित : पुस १६, २०७१ १३:३८
ADVERTISEMENT
ADVERTISEMENT
प्रतिक्रिया
पठाउनुहोस्

'बिपीको नीति अहिले पनि सान्दर्भिक'

मेलमिलापको बाटोमा हिड्न दलहरूलाई आग्रह

काठमाडौ — प्रधानमन्त्री सुशील कोइरालाले बिपी कोइरालाले ल्याएको राष्ट्रिय मेलमिलापको नीति अहिलेपनि उत्तिकै सान्दर्भिक रहेको भन्दै सबै राजनीतिक दललाई त्यो बाटोमा हिड्न आग्रह गरेका छन् ।


उनन्चालिसौँ राष्ट्रिय एकता तथा मेलमिलाप दिवसका अवसरमा जननायक बिपी कोइराला स्मृति ट्रष्टले आज बिहान राजधानीमा आयोजना गरेको चियापान कार्यक्रमपछि संवाददातासँग सङ्क्षिप्त कुरा गर्दै उनले मुलुकको शान्ति, स्थायित्व, लोकतन्त्रको संस्थागत विकासका निम्ति संविधान अपरिहार्य भएको बताए । उनले भने–“राष्ट्रिय एकता तथा मेलमिलापबाटै लोकतन्त्रलाई स्थायित्व दिन सकिन्छ, सबै दलका नेताले नयाँ संविधान निर्माणका खातिर सहयोग एवम् समर्थन गर्नेमा म विश्वस्त छु ।” बिपी २०३३ पुस–१६ गते लामाे निर्वासनपछि भारतबाट मेलमिलापको नीति लिएर नेपाल फर्केका दिनलाई सम्झना स्वरुप मनाइने गरिन्छ ।
ट्रस्टका अध्यक्षसमेत रहेका प्रधानमन्त्री कोइरालाले मुलुकको चौतर्फी विकास र लोकतन्त्रको स्थायित्वका लागि बिपीले प्रतिपादन गरेको राष्ट्रिय एकता तथा मेलमिलापको नीति माध्यम बन्नसक्ने बताए । उनले मुलुकमा सक्रिय सबै दलका नेताले त्यसलाई प्राथमिकता दिनेमा आफूलाई संशय नभएको उल्लेख गरे ।
संविधानलेखनसहित विकास–निर्माणका काममा सबैको सहयोग र समर्थन प्राप्त हुनेमा आफू ढुक्क रहेको दोहोर्याउँदै उनले राष्ट्रिय एकता तथा मेलमिलाप दिवसले मुलुकलाई समृद्धि र विकासको बाटोमा डोर्याउन प्रेरणा मिल्ने बताए । रासस

 
 

प्रकाशित : पुस १६, २०७१ १२:३४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT