नवनियुक्त प्रधानन्यायाधीश श्रेष्ठले लिए शपथ

कार्यकाल १० महिना

काठमाडौ — राष्ट्रपति डा रामवरण यादवले नवनियुक्त प्रधानन्यायाधीश कल्याण श्रेष्ठलाई राष्ट्रपति भवन शितलनिवासमा आज बिहान आयोजित विशेष समारोहमा पद तथा गोपनीयताको शपथ गराएका छन् ।

राष्ट्रपति डा रामवरण यादवले नवनियुक्त प्रधानन्यायाधीश कल्याण श्रेष्ठलाई राष्ट्रपति भवन शितलनिवासमा बुधबार बिहान आयोजित विशेष समारोहमा पद तथा गोपनीयताको शपथ गराएका छन् ।
सो समारोहमा उपराष्ट्रपति परमानन्द झा, प्रधानमन्त्री सुशील कोइराला, सभामुख सुवास नेम्वाङ, उपप्रधानमन्त्री, संवैधानिक निकायका प्रमुख, पूर्व प्रधानमन्त्री, मन्त्री, मुख्यसचिव, प्रधानसेनापति, सरकारका उच्च अधिकारी, सुरक्षा निकायका प्रमुखहरूको उपस्थिति थियो ।
मंगलबार प्रधानन्यायाधीश रामकुमारप्रसाद साहको उमेर हद ६५ वर्ष पूरा भई सेवानिवृत भएपछि आज प्रधानन्यायाधीशमा श्रेष्ठको पदबहाली भएको हो ।
संवैधानिक परिषद्ले सिफारिस गरेपछि उनलाई यही असार १४ गते संसदीय सुनुवाइले प्रधानन्यायाधीशमा अनुमोदन गरेको थियो ।
प्रधानन्यायाधीशमा श्रेष्ठको कार्यकाल १० महिना रहनेछ ।
<
को हुन् श्रेष्ठ ?
विसं २००८ वैशाख १ गते बागलुङमा जन्मिएका नवनियुक्त प्रधानन्यायाधीश श्रेष्ठले त्रिभुवन विश्वविद्यालयबाट नेपाली र राजनीतिक शास्त्रमा स्नातकोत्तर र कानुनमा स्नातक गरेका छन् ।
उनले नेदरल्यान्स्को इन्स्टिच्युट अफ सोसल साइन्सेसबाट अन्तर्राष्ट्रिय कानुन तथा विकासमा पोस्ट ग्राजुएट डिप्लोमा गरेका छन् ।
विसं २०३१ मा शाखा अधिकृतका रुपमा उनी न्याय सेवामा प्रवेश गरेका थिए भने २०३६ सालमा जिल्ला न्यायाधीश भएका थिए ।
प्रधानन्यायाधीश श्रेष्ठले कानुन तथा न्याय मन्त्रालयका उपसचिव हुँदै २०४२ सालमा जनकपुर अञ्चल अदालतको न्यायाधीश भई कार्यभार सम्हालेका थिए । विभिन्न पुनरावेदन अदालतको न्यायाधीश हुँदै २०६२ सालमा जुम्ला पुनरावेदन अदालतका मुख्य न्यायाधीशमा नियुक्त उनी त्यही वर्षको अन्त्यमा सर्वोच्च अदालतको न्यायाधीशमा नियुक्त भएका हुन् ।
तत्कालीन नेपाल अधिराज्यको संविधान २०४७ को मस्यौदा लेखनमा समेत उनी संलग्न थिए । रासस






प्रकाशित : असार २३, २०७२ १०:५५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

छिट्टै संविधान आउँछः पूर्वप्रधानमन्त्री भट्टराई

गोरखाबजार — पूर्वप्रधानमन्त्री डा बाबुराम भट्टराईले संविधानसभाबाट छिट्टै सङ्घीय लोकतान्त्रिक गणतन्त्रको संविधान जारी हुने बताएका छन् । संविधानको प्रारम्भिक मस्यौदा संविधानसभाबाट पास गरेर आजदेखि जनतामाझ लगिएको भन्दै उनले साउनभित्रै नयाँ संविधान जारी हुने बताए ।

पूर्वप्रधानमन्त्री डा बाबुराम भट्टराईले संविधानसभाबाट छिट्टै सङ्घीय लोकतान्त्रिक गणतन्त्रको संविधान जारी हुने बताएका छन् ।
संविधानको प्रारम्भिक मस्यौदा संविधानसभाबाट पास गरेर आजदेखि जनतामाझ लगिएको भन्दै उनले साउनभित्रै नयाँ संविधान जारी हुने बताए ।
ज्येष्ठ नागरिक सङ्घ गोरखाले आज सदरमुकाममा आयोजना गरेको कार्यक्रममा नेता भट्टराईले भने, 'छिट्टै संविधान जारी हुन्छ, संविधानको मस्यौदा पढेर आफ्ना हक, अधिकार समेटिएको वा छुटेको भए सुझाव दिनुहोला ।'
उनले ज्येष्ठ नागरिकलाई राज्यले संरक्षण दिएर व्यवस्थित ढङ्गले पाल्नुपर्ने बताए । सामाजिक सुरक्षा भत्ता मासिक रु ५०० ले नपुग्ने भन्दै उनले मासिक रु तीन हजार बनाउन आफू लागिपरेको बताए । रासस

प्रकाशित : असार २३, २०७२ ०९:३२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT