लोकतन्त्रको मर्म

फाल्गुन ९, २०७४कान्तिपुर संवाददाता

काठमाडौँ — ६७ वर्ष पार गरेको प्रजातन्त्रलाई यो वा त्यो कुनै पनि बहानामा कुनै विदेशी आश्रमसम्म नधकेलियोस् । सर्वसाधारण जनतादेखि नेतागणसम्मले सच्चा र कर्मनिष्ठ सपुत बनी देशको सेवामा आफ्नो समय खर्चिन सकुन् ।

कुनै पनि व्यक्तिगत स्वार्थका लागि नेपाल आमाको अस्मिता र लाखौं सपुतको खुन–पसिनाले प्राप्त प्रजातन्त्रलाई कुनै विदेशी प्रभुको साम्ने नङ्ग्याउने र लिलामी गर्ने काम कसैबाट नहोस्, अनि त्यो चेस्टा गर्नेहरूलाई सम्पूर्ण देशप्रेमी र प्रजातन्त्रप्रेमीले समयमै चिनेर कारबाहीको भागिदार सम्झी कठघरामा उभ्याउने हिम्मत, आँट र ल्याकत राखुन् । सबैले प्रजातन्त्र र प्रजातान्त्रिक अभ्यासको स्वाद एकै किसिमले लिन पाउन् र सकुन् ।