तेल चोर्ने चालकलाई कारबाही होस्
काठमाडौँ — ‘तेल चोर्न नपाउँदा ढुवानी ठप्प’ समाचारले आश्चर्यचकित बनायो । नेपाल आयल निगमले लकिङ प्रणाली जडान गर्यो भन्दैमा तेल ट्याङ्करका चालकहरूले ढुवानी प्रक्रिया अवरुद्ध पारेर दुनियाँ अचम्मित बनाएका छन् ।
यसको सोझो अर्थ चालकहरूले यसअघि लकिङ प्रणाली जडान नहुँदा पेट्रोलियम पदार्थ चोर्ने कुरा पुष्टि हुन्छ । अब आयल निगमले कडा ‘एक्सन’ लिनुको विकल्प छैन । चाँडोभन्दा चाँडो नेपाल आयल निगमले ढुवानी प्रक्रिया ठप्प पारी सर्वसाधारणलाई सास्ती दिने चालकहरूलाई बर्खास्त गरी अहिलेसम्म तेल चोरेर निगमलाई पुर्याएको घाटा क्षतिपूर्ति सहित असुलउपर गर्ने प्रक्रिया चाल्नु जरुरी छ ।
– एसपी बडु
कञ्चनपुर