तीजमा मौलिकपन

हामीले जे सिकायो, आउने पुस्ताले त्यही सिक्ने हो । तीज जस्तो मौलिक एवं ऐतिहासिक चाडलाई आधुनिकतामा परिणत गर्दैछौं । समय अनुसार हरेक चिज परिवर्तन आवश्यक छ । तर कति परिवर्तन गर्ने भन्ने ख्याल गर्नुपर्छ । परिवर्तनका नाममा मौलिकता गुम्न दिनुुहुन्न ।

उहिले हरियो चुरा, रातो साडीमा सजिएका महिला दिदी–बहिनी तीजको गीत गाउँदै हिँडेको देख्दा कम्ता रमाइलो लाग्दैन थियो । माइती घरमा गएर दर खाएर भोलिपल्ट व्रत बसेर बिभिन्न देवालयमा जाने चलन थियो । अहिले एक महिना अघिदेखि दर खान थालिएको छ । दर खाने कार्यक्रम होटल तथा रेस्टुरेन्टमा हुनथालेका छन् । तीज गीतका भिडियो परिवारसँग बसेर हेर्न पनि अप्ठ्यारो लाग्ने खालका बनेका छन् । कतै हामी आधुनिक बन्ने होडमा आफ्नो पहिचान
भुल्दै त छैनौं ?
– पुरुषोत्तम घिमिरे
जोरपाटी, काठमाडौं