महिला अधिकार र तीज

परापूर्वकाल भनौं वा आधुनिक युग जुनसुकै समयमा पनि महिला पीडित छन् भने महिलाकै कारणले पीडित छन्, पुरुषका कारणले छैनन् । सासूले बुहारीलाई दबाएर राख्नुपर्ने, घरको काम बुहारीले मात्र गर्नुपर्ने, बुहारीले सासूलाई ढोग्नुपर्नेजस्ता चलन महिलाले नै चलाएका हुन् । जब बुहारीको सासू बन्ने पालो आउँछ, आफूलाई सासूले गरेअनुसारको व्यवहार बुहारीलाई गर्ने नै महिला हुन्छन् । सासूलाई आमा नसम्झने र बुहारीलाई छोरी नसम्झने पनि महिला नै हुन् । बुहारीले गर्नुपर्ने काम छोराले गर्‍यो भने जोइटिंग्रे र हुतिहारा छोरो नामकरण गर्नेमा महिला नै अग्रपंक्तिमा आउँछन् । पतिको दीर्घायुको लागि ‘व्रत बस र तीज पर्व मनाऊ’ भनेर पुरुषले आदेश दिएका हँुदैनन् । आफूखुसी आत्मसन्तुष्टिका लागि व्रत बस्ने भन्ने बेलामा पुरुषप्रधान समाजका कारणले व्रत बस्नुपर्‍यो भनी दोष लगाउने गलत बानी नै महिला अधिकारको बाधक हो ।
– पुरुषोत्तम घोरासैनी बालाजु–१६, काठमाडौं