राष्ट्रिय ढुकुटीको दुरुपयोग

यसले सम्पूर्ण नेपालीको राष्ट्रपति वा प्रधानमन्त्री नभई कुनै विशेष जाति वा वंशको राष्ट्रपति र प्रधानमन्त्री भन्ने प्रस्ट्याएको छ । यस्ता कार्य कतिसम्म न्यायोचित हुन्छन् ? के राष्ट्रपतिले आफ्नो राजनीतिक सफलता महिलाको भोटले मात्र प्राप्त गर्नुभएको हो ? प्रधानमन्त्रीले पनि उनका निवासमा आफ्नो वंशावलीको कार्यक्रम आयोजना गर्नु आपत्तिको विषय हो । के उनको राजनीतिक यात्रा र सफलता एकल वंशबाट सम्भव भएको हो ? अनि प्रधानमन्त्रीको भ्रष्टाचार र अनियमितताप्रति शून्य सहनशीलता भन्ने वाक्य बोली र व्यवहारमा नियत प्रस्ट भयो नि । आर्थिक खर्च कमै भए पनि प्रवृत्ति गलतै हो नि प्रमज्यू । कि दुई तिहाइको मातले तपाईंलाई छुट दिएकै छ ? आफ्नो जन्मोत्सव कार्यक्रमलाई विकास गर्दै पार्टी कार्यक्रम हुँदै वंशावली भेलामा पुर्‍याउनुभयो, जनताको करबाट चल्ने प्रधानमन्त्री निवासलाई । समृद्ध नेपाल, सुखी नेपालीको नारा नारामै सीमित रहनेछ । अर्को प्रसंगमा शिक्षा दिवसजस्तो महत्त्वपूर्ण दिवस जसमा भविष्यका कर्णधार, विद्यार्थी, शिक्षाविद, शिक्षाकर्मी र शिक्षासँंग सरोकार राख्नेहरूका शिक्षा दिवसको कार्यक्रमलाई नजरअन्दाज गर्दै ससाना विद्यार्थी भाइबहिनीहरू समेतलाई भोकै, तिर्खै घन्टौंसम्म प्रधानमन्त्रीको उपस्थितिलाई कुर्नुपर्ने कस्तो विडम्बना † प्रधानमन्त्रीको वंशावली कार्यक्रममा सहभागिताले शिक्षा दिवस कार्यक्रमका सहभागीहरूलाई समेत प्रभावित पार्‍यो, जुन गम्भीर विषय हो । प्रधानमन्त्रीले आफ्नो निवासमा आयोजित वंशावलीको भेलालाई बढी महत्त्व दिए ।
– राम थापा,गोकर्णेश्वर–१, काठमाडौं