चिकित्सा विधेयकमा छलछाम

बृहत्तर जनताको हितसँग सम्बन्धित विषयमा एउटा सत्याग्रहीसँग सार्वजनिक रूपमा सम्झौता गरी त्यसलाई तुहाउन स्वयं सरकार लागिपरेको छ । सम्पूर्ण नागरिकको अभिभावकका रूपमा सरकार रहनुपर्ने हो । यो विषयमा प्रधानमन्त्री र शिक्षामन्त्री लगायतमा चिन्ता देखिएन ।

दुई तिहाइ बहुमतको दुर्लभ अवसर शिक्षा, स्वास्थ्यजस्ता जनताको प्रत्यक्ष सरोकार राख्ने क्षेत्रको बेथिति रोक्न सदुपयोग गर्नुपर्ने हो । सधैं शक्तिको वरिपरि रही नाजायज तवरले व्यापारिक स्वार्थपूर्ति गर्न खोज्ने माफियासँग राजनीतिक नेताहरूको अनैतिक साँठगाँठ निरन्तर रहेको विभिन्न घटनाक्रमले देखाएका छन् ।
– भरत प्रसाईं,भद्रपुर– ७, झापा