दरबन्दी मिलान कसरी
काठमाडौँ — सामुदायिक विद्यालयको आधारभूत तहभित्र कक्षा १–५ सञ्चालित विद्यालय बाहेक सबै तहमा शिक्षक संख्या न्युन छ । एकातिर हामीले गुणस्तरीय शिक्षाको दुहाइ दिँदै सामुदायिक विद्यालयलाई कस्ने गरेका छौं, अर्कोतिर गणित, विज्ञान र अंग्रेजी तीनै विषयका दरबन्दी पुरा भएका माध्यमिक विद्यालयको संख्या देशभरि ७१ मात्र रहेको तथ्य घतलाग्दो छ ।
देशभरि मावि तहमा मात्र ५२९१ विज्ञान, ४८९९ गणित र २३५४ अंग्रेजी शिक्षकको अभाव छ । यति धेरै दरबन्दीको अभावमा गुणस्तरीय शिक्षा नारामा मात्र सम्भव हुन्छ, हकिकतमा हुँदैन । निकट भविष्यमा संघीय शिक्षा मन्त्रालयको तत्वावधानमा हुनगइरहेको दरबन्दी मिलान हचुवाको भरमा नभई वैज्ञानिक तरिकाले होला भन्ने आशा गरिन्छ ।
– महेन्द्रसिंह बम, टीकापुर–१, कैलाली
प्रतिक्रिया