सामाजिक सुरक्षाको सवाल

मंसिर १६, २०७५कान्तिपुर संवाददाता

काठमाडौँ — सरकारले घोषणा गरेको सामाजिक सुरक्षा कार्यक्रम र कोष स्थापनाका समाचारले प्रमुख स्थान पाएको अवस्थामा यसबारे सम्पूर्ण सूचना, जानकारी प्राप्त गर्ने र त्यसअनुसार तयार रहने र सरकारका कार्यक्रमले जनता र राष्ट्र सेवकहरूको मनोबल उच्च पर्ने हो भने प्रचारप्रसार गर्नु राम्रो हो ।

विगतमा सञ्चालित कर्मचारी सञ्चयकोष र नागरिक लगानी कोषको कार्यलाई संश्लेषण गरी एकीकृत रूपमा आएको यस कार्यक्रमले धेरैलाई लाभ त अवश्य देला तर आवश्यक संचरना, निर्देशिका र स्वायत्त अधिकार सम्पन्न निकायले प्रत्याभूत गरी सुरु गरेमा यसको सफलता र लोकप्रियता बढ्ने सम्भावनालाई नकार्न सकिन्न ।