धुपौरेको रजाइँ

पढ्ने लेख्ने होनाहार अस्ट्रेलिया र अमेरिका भन्चन्
रेमिट्यान्स बढ्यो भन्दै नेता औंला भाँची गन्चन्
कम पढेका युवा सबै खाडी, कतार मलेसिया गए
बुढाबुढी, भ्रष्ट अनि बिनाकामका नेता मात्रै देशभित्र हुने भए

छलछाम र तिकडममा यिनको आधा दिन गाछ
त्यै कुकृत्यको ढाकछोपमा बाँकी आधा दिन लाछ
देशको विकास, समृद्धिमा यिनको मन हुन्थ्यो भने
सुनको थालमा भिक्षा माग्दै किन हिंड्नुपर्थ्यो हामी

कानुनभन्दा माथि भए भ्रष्ट अनि हाम्रा नेता
धुपौरे नि कस्ता होलान् यिनलाई मान्ने
आफ्ना पिता
टन्न खायो टन्टै साफ दियो राजीनामा
हल्ला गर्ने विरोधीको भर्द्यो इस्टकोट
र जामा
– रामहरि खड्का, हेटौंडा, सानोपोखरा