मजदुरको सुरक्षा सवाल

यस खबरले निर्माणाधीन भवनमा कार्यरत कामदारहरूले सुरक्षाबारे आवश्यक तालिम लिएर मात्र काम गर्नुपर्ने देखिन्छ । निर्माण व्यवसायीहरूले कामदारलाई सुरक्षासम्बन्धी विशेष तालिम दिएर मात्र काममा खटाउनुपर्छ । निर्माण क्रममा प्रयोग हुने यन्त्रहरूको भारवहन क्षमता सञ्चालन तरिका सिकाउनुपर्छ । गरिबीले पिल्सिएका मजदुरहरू जोखिम मोलेर काम गर्ने हुनाले बिमा, औषधि उपचार खर्चको व्यवस्था निर्माण व्यवसायीले मिलाउनुपर्छ । सुरक्षासम्बन्धी ऐनकानुन व्यवहारमा लागू गर्नु अपरिहार्य छ । वीर अस्पतालको सर्जिकल भवनको ठेक्का लिएको शर्मा एन्ड शर्मा कम्पनीले निधन भएकालाई उचित क्षतिपूर्ति दिने र घाइतेको उपचार खर्च बेहोर्नुपर्छ ।
–एचपी अधिकारी, रत्ननगर नपा–१६, चितवन