मेडिकल कलेजको कर्तुत !

कान्तिपुर संवाददाता

काठमाडौँ — फागुन १५ गते प्रकाशित ‘१० लाख बढी असुल्दै मेडिकल कलेज’ समाचारले दुःखी तुल्यायो  । पोखरास्थित गण्डकी मेडिकल कलेजले सरकार र विश्वविद्यालयले तोकेभन्दा बढी रकम विद्यार्थीबाट असुल्ने गरेको रहेछ  ।

त्रिभुवन विश्वविद्यालयबाट सम्बन्धन प्राप्त कलेजले एउटै विद्यार्थीबाट तोकेको शुल्कभन्दा १० लाख बढी असुल्ने गरेको रहेछ । एउटै कोर्स अध्ययन गर्ने विद्यार्थीबाट फरक–फरक रकम असुल्ने गरेको देखिन्छ । सरकारले काठमाडौंबाहिर एमबीबीएस कोर्स अध्ययन गर्न ४२ लाख ५० हजार रुपैयाँ मात्र (५० र २५/२५ प्रतिशतका दरले) ३ किस्तामा तिर्न पाउने व्यवस्था गर्दागर्दै तोकिएको एकमुष्ट रकमभन्दा १४ लाखसम्म बढी असुल्ने किन ? पहिलो किस्तामै ३५ लाखसम्म तिराउने, इन्टर्नसिप, खेलकुद, सुरक्षा शुल्क भनी छुट्टै शीर्षक राखी बिलबिना २ देखि ३ लाखसम्म बढी रकम उठाउने गरेको पाइयो । ३/३ महिनामा ७५ हजारका दरले असुल गरेकाले विद्यार्थीले कास्की जिल्ला प्रशासन कार्यालयमा उजुरी गरेको महिना दिन बितिसक्दा पनि कुनै सुनुवाइ नभएपछि चिकित्साशास्त्र अध्ययन संस्थान, डिन कार्यालय, काठमाडौं आई उजुरी दिन बाध्य भएका छन् । सरकारले तोकिएभन्दा बढी रकम असुल गरेका संस्थानलाई स्थानीय प्रशासनबाट छानबिन गरी कारबाही गर्ने निर्णय गरेको छ तर कास्की जिल्ला प्रशासनले भने मन्त्रिपरिषद्को निर्णय स्पष्ट नभएको बताएको छ । के अवैध काम गर्ने व्यक्ति वा संस्थालाई कारबाही गर्न मन्त्रिपरिषद्को निर्णय चाहिन्छ र ?
–गंगाराज अर्याल, पाणिनि–८, अर्घाखाँची

प्रकाशित : फाल्गुन १९, २०७५ ०७:५१
ADVERTISEMENT
प्रतिक्रिया
पठाउनुहोस्
ADVERTISEMENT

८ घण्टा काम गर्ने प्रावधान

कान्तिपुर संवाददाता

काठमाडौँ — ८ घण्टा काम, ८ घण्टा आराम र ८ घण्टा मनोरञ्जनका लागि युरोप र अमेरिकामा मजदुरले गर्दै आएका संघर्षस्वरूप एसियाका देशमा पनि हप्ताको ४० घण्टा रुटिनमा चल्दै आएको छ  । युरोपका केही देशमा दैनिक १० घण्टाका दरले काम गरी हप्ताको ४ दिन काम गरी ३ दिन बिदा दिने चलन रही आएको छ  ।

संसारका सबैजसो देशमा हप्ताको ५ दिन काम र २ दिन बिदा दिने चलन छ । नेपालमा सरकारी कर्मचारीलाई ५ दिनका ७ घण्टा र शुक्रबार ५ घण्टा गरी हप्ताको ४० घण्टा काम गर्ने चलन रही आएको छ । बहाल श्रम ऐनअनुसार श्रमिक र कर्मचारीले निजी कम्पनीहरूमा दैनिक ८ घण्टा कार्य गरी हप्ताको ४८ घण्टा तोकेकाले सोहीअनुरूप निजी क्षेत्रका श्रमिक र कर्मचारीले हप्ताको ४८ घण्टा कार्य गर्न परिरहेको छ तर अन्तर्राष्ट्रिय मान्यताअनुरूप हप्ताको ४० घण्टा मात्र काम लगाउन पाइन्छ । त्यसैअनुरूप सरकारले हप्ताको ४० घण्टाको मापदण्ड राखेको छ । नेपालमा निजी क्षेत्रमा हप्ताको ४८ घण्टा कार्य गर्ने समय सरकारको कार्य समयसँग बाँझिएको छ ।
–सुमनकुमार रेग्मी, लपु–१, कुपन्डोल

प्रकाशित : फाल्गुन १९, २०७५ ०७:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT