त्रिविका चुनौती

यो राष्ट्रिय शैक्षिक धरोहर किन गतिहीन भइरहेछ ? सरकारमातहत चलेको यस विश्वविद्यालयले विगतमा विश्वसामु राम्रो छाप छाड्न नसकेको पनि होइन । पहिले राजा नै कुलपति रहने यस संस्थामा अहिले कार्यकारी प्रधानमन्त्री कुलपति रहन्छन् । यसको केन्द्रीय कार्यालय कीर्तिपुरमा छ । विभिन्न विषय अध्ययन, अध्यापन गराइने यो विश्वविद्यालय राजनीतिक चलखेल गर्ने राम्रो अखडा बनेको छ । नेताहरूले आफ्नो राजनीतिक स्वार्थका लागि युवा परिचालन केन्द्र बनाएकाले नै त्रिवि धराशायी बनेको हो । भौतिक सम्पत्तिको धनी त्रिविको सम्पत्तिमाथि धेरैले आँखा गाडेका छन् । जसले सक्छ, लुट्ने जमर्को गरेका छन् । कतिले हडपिसके । यो सार्वजनिक सम्पत्ति कसरी बचाउने र खस्कँदो शैक्षिक स्तर कसरी सुधार्ने हो, अबको त्रिविको चुनौती यही हो ।
–पुरुषोत्तम घिमिरे, जोरपाटी, काठमाडौं