प्रतिगमनकारी विधेयक

कान्तिपुर संवाददाता

आम सञ्चार माध्यम र सञ्चारकर्मीलाई निरुत्साहित नगरियोस्  । स्वतन्त्र प्रेसमाथि अंकुश लगाउने कार्य बन्द गरियोस्  ।

इतिहासका विभिन्न कालखण्डमा आम सञ्चार सम्वन्धी विभिन्न विधेयक संसदमा दर्ता हुने गरेकै हो । तर अहिले मिडिया काउन्सिललाई आफू मातहत राख्नेगरी सरकारले प्रेस स्वतन्त्रता, जनताका सूचना प्राप्तिका अधिकार र मानव अधिकारमा हस्ताक्षेप हुनेगरी ल्याउन लागेको विधेयकको सर्वत्र विरोध भइरहेको छ । मन्त्रीहरू आफूहरू विगतदेखि प्रेस स्वतन्त्रताको पक्षमा संघर्ष गर्दै आएको अभिव्यक्त गर्छन्, तर व्यवहारमा भने उल्टो गर्दैछन् । नेपाली मिडियाले राजनीतिक, सामाजिक, आर्थिक, सांस्कृतिक लगायत अन्य परिवर्तनका लागि बाधा–व्यवधानका बाबजुद अहम् भूमिका निर्वाह गर्दै आएको जगजाहेरै छ । तर सरकारल प्रेस काउन्सिल ऐन २०४८ लाई विस्थापित गर्न प्रस्तावित गरेको मिडिया काउन्सिल विधेयक भने प्रतिगमनकारी रहेको छ । यदि यो ऐन बन्यो भने मिडिया काउन्सिल मन्त्रालयको एउटा शाखामा परिणत हुनेछ । यसले आफ्नो स्वायत्त र अर्धन्यायिक भूमिका गुमाउनेछ ।
– राम थापा, गोकर्णेश्वर–१, काठमाडौं

Citizen

प्रकाशित : जेष्ठ १, २०७६ १२:११
ADVERTISEMENT
प्रतिक्रिया
पठाउनुहोस्

चिया मजदुरको आन्दोलन

कान्तिपुर संवाददाता

दैनिक उपभोग्य वस्तु दाल, चामल, तरकारीको भाउ दिन दुई गुना रात चौगुना बढेर गरिखाने हरेक नेपालीको जीवनयापन निकै कष्टपूर्ण बन्दै गइरहेको छ  ।

चिया बगानमा दिनभर घामपानी केही नभनी ‘दुःखजिलो गरेको श्रमको मूल्य देऊ, म र मेरो परिवारलाई भोकै रात काट्न बाध्य नपार’ भनी चिया मालिकसँग जायज माग राख्दा माग पूरा गराउन सकिँदैन भनी हेपाहा श्रम शोषक चिया मालिकहरूले चिया मजदुरहरूलाई आन्दोलनमा होमिन बाध्य पारेका छन् । चिया मजदुरहरू ४० दिनदेखि आन्दोलनमा छन् ।


बल्ल–बल्ल श्रममन्त्री गोकर्ण विष्टले दुई दिनभित्र मजदुरहरूलाई तलब दिनु भनी चिया मालिकहरूलाई उर्दी जारी गर्नुभएको छ । ढिलै भए पनि यो सकारात्मक पहल हो । यसलाई मालिकहरूले व्यवहारमा कहिले लागू गर्ने हुन् ? राज्यले कानुनले तोके अनुरुप न्युनतम तलब–भत्ता मजदुरलाई नदिनेलाई के कस्तो कानुनी कारबाही हुन्छ ? चिया मजदुरको समस्या समाधान गर्न सरकारले आवश्यक कदम चाल्न जरुरी छ ।
– सन्तोष सिम्खडा, भीमसेन थापा–२, गोरखा

प्रकाशित : जेष्ठ १, २०७६ १२:१०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT