बर्खा लाग्नुअघि सचेतता

कान्तिपुर संवाददाता

मौसमी वर्षा सक्रिय भइसकेको छ  । यसले वर्षाको सम्भावना प्रबल गराउँछ  ।

नेपालमा हुने वर्षा खालि पानीको गनगनाहट मात्र होइन । बर्खासँगै बाढी, पहिरो, भूक्षय, कीराफट्याङग्रादेखि सर्प–बिच्छीसम्मको आतंक बर्खाको पर्याय हुने गरेको छ । सडकका नालीहरू, कुलाहरूको बेलैमा सफाइ हुन नसक्दा तिनैबाट काल निम्तिन सक्छ । नाली थुनिनाले पानी सडकबाट बग्न थाल्यो भने महत्त्वपूर्ण संरचना तहस–नहस नगरी अगाडि बढ्दैन । यसर्थ वर्षा आउनुअघि नै घरको कुलोकरेसा मात्र होइन, बाटोघाटो, सडक र जंगल क्षेत्रमा पनि निकास खोल्ने काम तुरुन्तै गर्नुपर्छ । सानो प्रयासले ठूलो जोखिमबाट जोगिन सकिन्छ । स्थानीय निकाय, जनसेवक र सरकारी निकायले रातो माटो खानी सञ्चालन र व्यवस्थापनमा उचित तरिका अपनाउन लगाउनुपर्छ । यसैगरी ढल, निकास, कुलो सोहर्ने र व्यवस्थित गर्ने काम अविलम्ब गर्नुपर्छ ।
– उज्ज्वल श्रेष्ठ,helloujwal@gmail.com

प्रकाशित : जेष्ठ ६, २०७६ १२:००
ADVERTISEMENT
प्रतिक्रिया
पठाउनुहोस्

बमजनमाथि छानबिन कहिले ?

कान्तिपुर संवाददाता

धर्मको नाममा यौनशोषण र व्यक्तिहत्याको गम्भीर आरोप लागेका रामबहादुर बमजनले फेरि खुलेआम ‘आशीर्वाद’ दिन थालेको समाचार पढ्नुपर्दा दुःख लाग्यो  । माथिल्लो तहसम्मको राजनीतिक पहुँच बनाइसकेका बमजनलाई जोगाउन पूर्वमन्त्रीदेखि पहुँचवाला नेताहरूसम्म लागिरहेका छन्  ।

धर्मको आडमा पैसा असुल्नु र यौनशोषण गर्नु कदापि क्षम्य हुन सक्दैन । पछिल्लो समय प्रहरीले तदारुकता देखाए पनि त्यतिकै सेलायो । ‘ध्यान गर्ने’ बहानामा सुरुवातदेखि नै विवादमा आइरहेका बमजनमाथि गम्भीर छानबिन हुनु जरुरी छ । पीडितहरूले न्याय पाउनैपर्छ ।
– सन्तोष सागर, कीर्तिपुर, काठमाडौं

प्रकाशित : जेष्ठ ६, २०७६ १२:००
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT