गाडीमा पहिले नियत सुध्रिनुपर्‍यो

कान्तिपुर संवाददाता

खनिज इन्धनबाट चल्ने सवारी साधनले वातावरण बिगारेका सम्बन्धमा निकै राम्रो लेख पढ्न पाइयो  । फोसल फ्युल अन्य देशले पनि प्रयोग गर्छन्, ती देशमा पनि सवारी साधन अत्यधिक छन्, तैपनि हाम्रोजस्तो गएगुज्रेको अवस्था ती देशमा किन छैन ? किनभने त्यहाँका गाडी हाम्रामा जस्तै थोत्रा र पुराना छैनन्  ।

हाम्रामा सवारी साधनको मर्मत–सम्भार नियमित अन्तरालमा नहुनु, सवारी साधन गुड्दा–गुड्दै ठप्प नरोकिएसम्म चलाइरहनु जस्ता कारणले प्रदूषण अनियन्त्रित भएको हो । त्यस्ता सवारी साधनलाई घुस खाएर प्रमाणित गर्ने सम्बन्धित कर्मचारीहरू प्रदूषणभन्दा हानिकारक बनिरहेका छन् ।


अर्को कुरा, विद्युतीय सवारी साधनले पनि वातावरण बिगार्दै नबिगार्ने भन्ने हुन्न । लिथोनियम ब्याट्रीभित्र रहेको लिड व्यवस्थापनमा हेलचेक्र्याइँ गर्‍यो भने त्यसबाट पनि वातावरणमा प्रतिकूल असर पर्छ । मुख्य कुरा नियमन गर्ने निकाय बेकामे बन्नु भएन । अहिले चलिरहेका खनिज इन्धनवाला सवारी साधनहरूको सर्भिसिङमा कडाइ गरियो भने वातावरण यति साह्रो बिग्रिँदैन ।
– केदारनाथ त्रिपाठी, बूढानीलकण्ठ, काठमाडौं

प्रकाशित : जेष्ठ ६, २०७६ १२:००
प्रतिक्रिया
पठाउनुहोस्

बर्खा लाग्नुअघि सचेतता

कान्तिपुर संवाददाता

मौसमी वर्षा सक्रिय भइसकेको छ  । यसले वर्षाको सम्भावना प्रबल गराउँछ  ।

नेपालमा हुने वर्षा खालि पानीको गनगनाहट मात्र होइन । बर्खासँगै बाढी, पहिरो, भूक्षय, कीराफट्याङग्रादेखि सर्प–बिच्छीसम्मको आतंक बर्खाको पर्याय हुने गरेको छ । सडकका नालीहरू, कुलाहरूको बेलैमा सफाइ हुन नसक्दा तिनैबाट काल निम्तिन सक्छ । नाली थुनिनाले पानी सडकबाट बग्न थाल्यो भने महत्त्वपूर्ण संरचना तहस–नहस नगरी अगाडि बढ्दैन । यसर्थ वर्षा आउनुअघि नै घरको कुलोकरेसा मात्र होइन, बाटोघाटो, सडक र जंगल क्षेत्रमा पनि निकास खोल्ने काम तुरुन्तै गर्नुपर्छ । सानो प्रयासले ठूलो जोखिमबाट जोगिन सकिन्छ । स्थानीय निकाय, जनसेवक र सरकारी निकायले रातो माटो खानी सञ्चालन र व्यवस्थापनमा उचित तरिका अपनाउन लगाउनुपर्छ । यसैगरी ढल, निकास, कुलो सोहर्ने र व्यवस्थित गर्ने काम अविलम्ब गर्नुपर्छ ।
– उज्ज्वल श्रेष्ठ,helloujwal@gmail.com

प्रकाशित : जेष्ठ ६, २०७६ १२:००
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT