सेवानिवृत्त राष्ट्रसेवकको उपेक्षा

अहिले प्रतिनिधिसभाको राज्यव्यवस्था तथा सुशासन समितिमा ‘पेन्सन पाइरहेकालाई थप सुविधा दिनुहुँदैन, दोहोरो सुविधा लिन पाइँदैन, उनीहरूलाई दिइने चाडबाड खर्च बापतको रकम बरु किसानलाई दिऔं र किसानलाई पनि पेन्सनको सुरुआत गरौं’ भन्नेजस्ता असामयिक र असान्दर्भिक प्रसंग उठिरहेका छन् ।

सेवानिवृत्तहरू वृद्धावस्था वा ज्येष्ठ नागरिक भए वृद्धभत्ता समेत नपाउने व्यवस्था छ । यसो गर्दा स्वदेशी सेवानिवृत्तहरूको चित्त दुखेको छ । विदेशमा आफ्नो अमूल्य जीवन सुम्पिएर विदेशबाट पेन्सन पाइरहेकालाई यो नियम लागू हुँदैन । उनीहरूले निरन्तर वृद्धभत्ता खाइरहेका छन् र राज्यको हरेक सेवासुविधा पनि उपभोग गरिरहेका छन् । तर स्वदेशमै जीवनभर राष्ट्रसेवा गरेर सेवानिवृत्त भएकाहरूलाई भने वृद्धभत्ता दिइँदैन । यसो गरे दोहोरो सुविधा उपभोग गरेको ठहर्छ । यसलाई सम्बोधन गर्नु जरुरी छ । देश र देशका सेवकहरूका लागि योभन्दा दुर्भाग्यपूर्ण अवस्था के होला ?
– नरनाथ पाण्डे, सचिव, सेवानिवृत्त राष्ट्रसेवक सङ्घ नेपाल, नवलपुर