घलेगाउँ पुगेर सेल्फी... [फोटोफिचर]

घलेगाउँ (लमजुङ) — सार्क भिलेज घलेगाउँमा नयाँ वर्ष मनाउन आन्तरिक पर्यटकको घुइँचो लागेको छ । सहरको कोलाहल र धुवाँधूलोबाट टाढा रहन आन्तरिक पर्यटकको रोजाइमा घलेगाउँ परेको हो । घलेगाउँ घुम्न र होमस्टेमा बास बस्न लमजुङका विभिन्न ठाउँबाट मात्रै नभई, काठमाडौं, पोखरा, चितवन, तनहुँ, गोरखा, नवलपरासी लगायत ठाउँबाट आएका छन् ।

साथीसंगी, टोल तथा छरछिमेक साथै स्कुल कलेजबाट पनि उत्तिकै मात्रामा अवलोकन तथा अध्ययनका लागि आउने गरेको स्थानीय बासिन्दाले बताएका छन् । घलेगाउँ आउने पर्यटकले अन्तिम घलेराजाको शालिक, गोर्खा पार्क, संग्रहालय, क्होइँबो तीं (गुरुङ पुरोहितको पाठशाला), चियाबगान लगायत घुम्ने गरेका छन् ।

पाटन हस्पिटल ललितपुरका डा. बुद्धि पौड्यालले पत्नी र नातेदारसहित नयाँ वर्ष मनाउन घलेगाउँ आएको बताए । दशकअघि गोरखाको आँपपिपलमा काम गर्दा बेंसीसहरसम्म आए पनि घलेगाउँ आउन नपाएको र यसपटक नयाँ वर्षको अवसरमा आएको बताए । नयाँवर्षमा घलेगाउँ घुम्न काठमाडौंकै ट्रिनिटी इन्टरनेश्नल कलेजका ६९ विद्यार्थीसहित शिक्षक गरी ७३ जनाको टोली घलेगाउँ आएका छन् । उनीहरुले भुजुङ र घलेगाउँमा सञ्चालित होमस्टेको अध्ययन गरेको शिक्षक अनामिका भट्टराईले बताइन् । पोखरा इलेक्ट्रिकल एसोसिएसनले घलेगाउँमा आएर शुक्रबार नयाँवर्षको शुभकामना आदानप्रदान गर्नुका साथै क्यालेन्डरको विमोचन गरेको छ । एसोसिएसनका अध्यक्ष राजेन्द्रबहादुर कार्कीका अनुसार नयाँ वर्ष मनाउन ३० जनाको टोली घलेगाउँ आएको र यसै अवसरमा शुभकामना आदानप्रदान गरिएको हो । उदिपुरका सुजन खवासले सहरका कोलाहल र धुवाँधूलोमा भन्दा एकदिने भए पनि गाउँमा आएर नयाँ वर्ष मनाएको बताए ।

घलेगाउँका युवा बाला घलेका अनुसार गाउँमा नयाँ वर्षको आसपासमा आन्तरिक तथा बाह्य पर्यटकको भीड लागेको छ । गाउँसम्म मोटर चल्ने भएपछि पर्यटकलाई निकै सजिलो भएको हो । बेंसीसहरदेखि करिब साँढे २ घण्टाको सवारी यात्रामा घलेगाउँ पुग्न सकिन्छ । समुद्री सतहदेखि २१ सय मिटर उचाइको घलेगाउँमा १ सय २० घर छन् । ३० घरमा होमस्टेको व्यवस्था छ । घलेगाउँ ग्रामीण पर्यटन व्यवस्थापन समितिका कार्यालय सचिव दीर्घ घलेका अनुसार नयाँ वर्षको आसपासमा दैनिक डेढसयदेखि दुई सयसम्म पर्यटक आउने गरेका छन् ।

शब्द/तस्बिर : आश गुरुङ

प्रकाशित : वैशाख २, २०७४ १२:४५
प्रतिक्रिया
पठाउनुहोस्

टिम चौराह धनगढीको पहिलो जित

कान्तिपुर संवाददाता

धनगढी — सगरमाथा धनगढी प्रिमियर लिग (डीपीएल) क्रिकेट अन्तर्गत छैटौं दिनको दोस्रो खेलमा टिम चौराह धनगढीले काठमाडौं गोल्डेन्सलाई ११ रनले पराजित गरेको छ । शनिबार एसएसपी क्रिकेट मैदान धनगढीमा भएको खेलमा टिम चौराहले टस जितेर पहिला व्याटिङ गर्दै ८ विकेट गुमाइ १३६ रन बनायो ।

सुरुका व्याट्म्यानहरुले राम्रो प्रदर्शन गर्न नसकेको टिम चौराहका मिड अडरमा आएका खेलाडीले राम्रो प्रदर्शन गरेपछि चुनौतीपूर्ण स्कोर बनाउन सफल भयो । टिम चौराहको लागि आरिफ शेखले ५८ रन बनाए । प्रतियोगितामा यो व्याट्सम्यानको उच्च स्कोर हो । यसअघि सीवाइसी अत्तरियाका योगेन्द्रसिंह कार्कीले काठमाडौं गोल्डेन्स विरुद्ध नै ५७ रन बनाएका थिए ।

सौरभ खनाल १६ रन बनाइ इनिङ्सको अन्तिम बलमा सोमपाल कामीद्वारा बोल्ड भए । सोमपालले ३ विकेट लिँदै प्रतियोगितामा आफ्नो विकेट संख्या ८ पुर्‍याएका छन् । काठमाडौं गोल्डेन्सको तर्फबाट मन्जित श्रेष्ठले पनि ३ विकेट लिए ।

काठमाडौं गोल्डेन्स पुरा ओभर खेली १२५ रनमा अल आउट भयो । अन्तिम ओभरमा २१ रन बनाउनुपर्ने अवस्थामा गोल्डेन्सले ९ रन बनाउँदा बाँकी २ विकेट गुमाएको थियो । गोल्डेन्सका सन्दीप जोराले २८ र सोमपाल कामीले २४ रन बनाए ।

टिम चौराहबाट आरिफ शेख र सौरभ खनालले ३/३ र रामनरेश गिरीले २ विकेट लिए ।

...

सगरमाथा धनगढी प्रिमियर लिग (डीपीएल) क्रिकेट अन्तर्गत छैटौं दिनको दोस्रो खेलमा टिम चौराह धनगढीले काठमाडौं गोल्डेन्स सामु १ सय ३७ रनको लक्ष्य प्रस्तुत गरेको छ । एसएसपी क्रिकेट मैदान धनगढीमा शनिबार मध्यान्ह टस जितेर व्याटिङमा आएको टिम चौराह धनगढीले निर्धारित २० ओभरमा ८ विकेट गुमाउँदै १३६ रन बनाएको छ ।

सुरुका व्याट्म्यानहरुले राम्रो प्रदर्शन गर्न नसकेको टिम चौराहका मिड अडरमा आएका खेलाडीले राम्रो प्रदर्शन गरेपछि चुनौतीपूर्ण स्कोर बनाउन सफल भयो । टिम चौराहको लागि आरिफ शेखले ५८ रन बनाए । प्रतियोगितामा यो व्याट्सम्यानको उच्च स्कोर हो । यसअघि सीवाइसी अत्तरियाका योगेन्द्रसिंह कार्कीले काठमाडौं गोल्डेन्स विरुद्ध नै ५७ रन बनाएका थिए ।

सौरभ खनाल १६ रन बनाइ इनिङ्सको अन्तिम बलमा सोमपाल कामीद्वारा बोल्ड भए । सोमपालले ३ विकेट लिँदै प्रतियोगितामा आफ्नो विकेट संख्या ८ पुर्‍याएका छन् । काठमाडौं गोल्डेन्सको तर्फबाट मन्जित श्रेष्ठले पनि ३ विकेट लिए ।

...

सगरमाथा धनगढी प्रिमियर लिग (डीपीएल) क्रिकेट अन्तर्गत छैटौं दिनको दोस्रो खेल काठमाडौं गोल्डेन्स र टिम चौराह धनगढीबीच हुँदै छ । एसएसपी क्रिकेट मैदान धनगढीमा शनिबार मध्यान्ह टिम चौराह धनगढीले टस जितेर व्याटिङ गर्ने निर्णय गरेको छ ।

काठमाडौं गोल्डेन्सलाई प्ले अफमा पुग्न यो खेल जित्ने पर्ने अवस्था रहेको छ । पहिलो तीनै खेल हारेको टिम चौराह धनगढीको प्ले अफमा पुग्ने झिनो आशालाई कायम राख्न यो खेल जित्नै पर्ने छ ।

काठमाडौं गोल्डेन्सका कप्तान बसन्त रेग्मी हुन् भने टिम चौराहका कप्तान पारस खड्का हुन् ।

प्रकाशित : वैशाख २, २०७४ १२:४५
पूरा पढ्नुहोस्
प्रतिक्रिया
पठाउनुहोस्