'प्रहरी दिवस'मा आँसुको वर्षा [फोटोफिचर]

काठमाडौं — नेपाल प्रहरीले शुक्रबार देशभर ६२ औं 'प्रहरी दिवस' मनाइरहेको छ । दिवसको अवसरमा काठमाडौंलगायत देशका विभिन्न जिल्लामा प्रहरीले कार्यक्रम आयोजना गरेका छन् । दिवसमा सहभागी वक्ताहरुले सरकारले प्रहरीको मनोबल उच्च हुने वातावरण तयार गर्नुपर्नेमा जोड दिए ।

प्रहरी प्रधान कार्यालय नक्साल भएको कार्यक्रममा भने प्रधानमन्त्री शेरबहादुर देउवा, गृहमन्त्री जनार्दन शर्मालगायत सरकारका उच्च अधिकारीको समेत उपस्थिति थियो । प्रधानमन्त्रीले कार्यालय परिसरमा रहेको 'अमर प्रहरी' स्तम्भमा माल्यार्पण गरेका छन् । जहाँ कर्तव्य पालनाको सिलसिलामा सहादत प्राप्त परिवार र आफन्तजनको समेत सहभागिता थियो । दिवंगत प्रहरीका आफन्तजन सम्झनामा भावविह्वल बनेका थिए । नक्सालमा आयोजित प्रहरी दिवस कार्यक्रमका केही तस्बिहरु :

तस्बिर : प्रताप थापा

प्रकाशित : आश्विन २७, २०७४ ११:४१
प्रतिक्रिया
पठाउनुहोस्

दार्जिलिङमा फेरि हिंसा भड्कियो, झडपमा एक सुरक्षाकर्मीसहित २ जनाको मृत्यु

पर्वत पोर्तेल

काँकडभिट्टा — दार्जिलिङमा पुन: हिंसा भड्किएको छ । शुक्रबार बिहान दार्जिलिङको तकभर क्षेत्रमा सुरक्षाकर्मी र विमल गुरुङ पक्षका आन्दोलनकारीबीच झडप हुँदा एक सुरक्षाकर्मीसहित २ जनाको मृत्यु भएको छ ।

विमल गुरुङलाई लक्षित गरी सुरक्षाकर्मीले शुक्रबार बिहानैदेखि खोजी अभियान तीव्र पारेको थियो । सोही क्रममा प्रहरीका इन्स्पेक्टर अमिताभ मल्लिकको मृत्यु भएको हो । झडपमा मारिएका आन्दोलनकारीको सनाखत भएको छैन । घटनामा दर्जन बढी घाइते छन् । आन्दोलनकारीले सुरक्षाकर्मीको गाड़ी पनि तोडफोड गरेका छन् ।
झडप जारी छ ।

प्रकाशित : आश्विन २७, २०७४ ११:४१
पूरा पढ्नुहोस्
प्रतिक्रिया
पठाउनुहोस्