असिनाको असर (फोटोहरु)

कान्तिपुर संवाददाता

काठमाडौं — काठमाडौंमा शनिबार राति परेको असिनाले ठाउँठाउँमा क्षति पुर्‍याएको छ । असिना पानीका कारण आएको पहिरोले काठमाडौंको सिफल नजिकै एक सुमो र ट्याक्सी पुरेको छ ।

असिनाकै कारण उपत्यकामा लगाइएको तरकारी बाली नष्ट भएका छन् । राति परेको असिना आइतबार बिहानसम्म पनि देख्न सकिन्थ्यो ।

असिनाले पुर्‍याएको क्षतिका केही तस्बिर : 

असिना पानीका कारण आएको पहिरोले काठमाडौंको सिफल नजिकै एक सुमो र ट्याक्सी पुरेको छ । तस्बिर : कविन अधिकारी/कान्तिपुर

असिनाले क्षति पुर्‍याएको भक्तपुरको मनोहरा फाँटको तरकारी बाली । तस्बिर : गंगा बीसी/कान्तिपुर । 

पशुपति मन्दिर परिसरमा आइतबार बिहान देखिएकाे असिना । तस्बिर : किरण पाण्डे/कान्तिपुर ।  

 

प्रकाशित : कार्तिक १२, २०७४ २०:३०
प्रतिक्रिया
पठाउनुहोस्

प्रत्यक्षतर्फको मतपत्र छुट्टाछुट्टै छापिने

निर्वाचन मितिमा कुनै फेरबदल नहुने आयोगको भनाइ
कान्तिपुर संवाददाता

काठमाडौं — आगामी मंसिरमा हुने प्रतिनिधिसभा र प्रदेशसभा निर्वाचनको प्रत्यक्षतर्फको मतपत्र छुट्टाछुट्टै छापिने भएको छ । सर्वोच्च अदालतको आदेशअनुसार आफ्नो पूर्वनिर्णय परिवर्तन गर्दै निर्वाचन आयोगले दुवै सभाको पहिलो हुने निर्वाचन प्रणाली (प्रत्यक्ष) तर्फको मतदानका लागि अलगअलग पानामा मतपत्र छाप्ने निर्णय गरेको हो ।

आगामी मंसिरमा हुने प्रतिनिधिसभा र प्रदेशसभा निर्वाचनको प्रत्यक्षतर्फको मतपत्र छुट्टाछुट्टै छापिने भएको छ ।

सर्वोच्च अदालतको आदेशअनुसार आफ्नो पूर्वनिर्णय परिवर्तन गर्दै निर्वाचन आयोगले दुवै सभाको पहिलो हुने निर्वाचन प्रणाली (प्रत्यक्ष) तर्फको मतदानका लागि अलगअलग पानामा मतपत्र छाप्ने निर्णय गरेको हो । यो निर्णयले मंसिर १० र २१ गते निर्धारित दुई चरणको निर्वाचन मितिमा कुनै फेरबदल नहुने आयोगले प्रस्ट पारेको छ ।

आयोगले सर्वोच्चको आदेशको प्रतिलिपिसहितको पत्र शनिबार प्राप्त गरेको थियो । आन्तरिक छलफल र कानुनविद्हरुसँगको परामर्शपछि आइतबार बसेको आयोगको बैठकले दुइटा मतपत्र छाप्ने निर्णय लिएको स्रोतले जनाएको छ ।

प्रकाशित : कार्तिक १२, २०७४ २०:३०
पूरा पढ्नुहोस्
प्रतिक्रिया
पठाउनुहोस्