हेर्नुहोस्, उम्मेदवारी दर्ताका तस्बिरहरु

कार्तिक १६, २०७४

काठमाडौं — दोस्रो चरणमा ४५ जिल्लामा हुने प्रतिनिधिसभा र प्रदेशसभा सदस्य निर्वाचनको उम्मेदवारी मनोनयन दर्ता कार्य जारी छ । आआफ्नो निर्वाचन क्षेत्रको मुख्य निर्वाचन अधिकृत वा निर्वाचन अधिकृतको कार्यालयमा पुगेर उम्मेदवारी मनोनयन पत्र दर्ता गर्ने काम उम्मेदवारहरुबाट भइरहेको निर्वाचन आयोगले जनाएको छ ।

आयोगले उपलब्ध गराएको समयाभित्र प्रमुख दलका शीर्ष नेताहरु उम्मेदवारी दर्ता गराउने क्रममा छन् । नेपाली कांग्रेस, नेकपा एमाले, माओवादी केन्द्र, संघीय समाजवादी फोरम नेपाललगायत दलका शीर्ष नेताहरुमध्ये केही दर्ता गरि सके भने केहीले दर्ता गराउने क्रममा छ । आयोगका अनुसार दिउँसो ३ बजेसम्मको मनोनयन दर्ता शान्तिपूर्ण छ । बिहीबार ४५ जिल्लामा प्रतिनिधिसभातर्फ १२८ सदस्य र प्रदेशसभातर्फ २५६ सदस्यका लागि मनोनयन दर्ताको काम हुने छ । बिहान १० बजेदेखि साँझ ५ बजेसम्मका लागि आयोगले उम्मेदवारी दर्ताको लागि समय छुट्याएको छ ।