चटारो झन्डाको [फोटोफिचर]

तस्बिरः कविन अधिकारी

काठमाडौं — प्रतिनिधिसभा तथा प्रदेशसभाको पहिलो चरणको निर्वाचन आउन अब १७ दिन बाँकी छ । मंसिर १० र २१ गते हुने निर्वाचनका लागि राजनीतिक दलहरु गाउँ, सहरमा प्रचारप्रसारमा व्यस्त छन् । राजनीतिक पार्टी र स्वतन्त्र उम्मेदवारहरु झन्डा, व्यानरसहितका गाडी, समर्थकहरु लिएर आफ्नो पक्षमा मतदाता तान्न कोसिस गरिरहेका छन् ।

बिहानदेखि बेलुकीसम्म सभा, कोणसभा र घरदैलो गरिरहेका उम्मेदवारहरु आफ्ना पार्टीका निर्वाचन प्रचार सामग्रीले गाउँगाउँ र सहरी क्षेत्रमा सजाइरहेका छन् र कतिपय ठाउँमा सजाइसके । दलहरु निर्वाचन क्षेत्रमा व्यस्त रहँदा झन्डा, व्यानर व्यवसायी, मजदुर पनि उत्तिकै चटारोमा देखिन्छन् । विभिन्न पार्टीका झन्डा बनाउँदै गरेको अवस्थामा बुधबार काठमाडौं बागबजारमा लिइएका तस्बिरहरु : 

प्रकाशित : कार्तिक २३, २०७४ १८:४९
प्रतिक्रिया
पठाउनुहोस्
ADVERTISEMENT
ADVERTISEMENT

राईनो संरक्षण गोल्डकपको उपाधि संकटालाई

नवलपरासी — नवलपरासीमा जारी राईनो संरक्षण गोल्डकप फुटबलको उपाधि संकटा क्लबले चुमेको छ । संकटाले एपीएफलाई पराजित गरेर उपाधि हात पारेको हो ।

कोल्हुवामा बिहीबार सम्पन्न फाइनल खेलमा निर्धारित समयसम्म दुवै समूहबाट १/१ गोलको बराबरी भएपछि खेल ट्राइबेकरमा धकेलिएको थियो । निर्धारित समयको ७१ मिनटमा एपिएफका जर्सी नं. २७ का हरि कार्कीले पहिलो गोल गरेका थिए भने खेलको ७६ मिनेटमा संकटाका जर्सी नं.१० का विदेशीमुलका खेलाडी मार्टिन अजाजले गोल गरेपछि निर्धारित समयमा दुबैतर्फबाट १/१ गोल भएको थियो । खेल ट्राइबेकरमा समेत ४/४ गोल भएपछि खेल सडन डेथमा प्रवेश गरेको थियो ।

सडन डेथमा नेपाल एपिएफका खेलाडी टोप विष्टले प्रहार गरेको बल संकटाका गोल्डकिप्पर विनय श्रेष्ठले गोल हुनबाट जोगाएपछि संकटा राईनो संरक्षण गोल्डकप फुटबल विजेता बन्न सफल भएको हो ।

विजेता संकटा क्लब काठमाडौंले नगद ५ लाख २५ हजार ५ सय ५५ प्रमाण पत्र पाएको छ । उपविजेता नेपाल एपिएफले नगद २ लाख ५० हजार ५ सय ५५ पाउन सफल भएको छ ।

नन्दभाउजु मध्यवर्ती उपभोक्ता समिति राईनो संरक्षण गोल्डकप फुटबल प्रतियोगिता गत कार्तिक १३ गतेबाट सुरु भएको थियो । राईनो संरक्षण गोल्डकप फुटबल प्रतियोगितामा विभागीय टिम र 'ए' डिभिजनका क्लब टिमहरु समावेश रहेका थिए । विजेता तथा उपविजेता टिमलाई वन तथा भूसंरक्षण मन्त्रालयका सचिव युवध्वज जिसीले नगद, शिल्ड तथा प्रमाण पत्र वितरण गरे ।  

प्रकाशित : कार्तिक २३, २०७४ १८:४९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT