पशुपतिमा सतबीज छर्नेको लर्को [फोटो]

तस्बिर : इलिट जोशी

काठमाडौं — पशुपति क्षेत्रलगायत देशभरका शिव मन्दिरमा आज सतबीज छरी बालाचतुर्दशी पर्व मनाइएको छ। प्रत्येक वर्ष मार्गशीर्ष कृष्ण चतुर्दशी अर्थात् आजैका दिन पितृको मोक्षको कामना गर्दै बालाचतुर्दशी पर्व मनाउने गरिन्छ । देशका विभिन्न स्थानबाट आएका श्रद्धालु भक्तजनको बिहीबारदेखि नै पशुपतिमा भीड लागेको थियो ।

पशुपति क्षेत्रलगायत देशभरका शिव मन्दिरमा आज सतबीज छरी बालाचतुर्दशी पर्व मनाइएको छ।

प्रत्येक वर्ष मार्गशीर्ष कृष्ण चतुर्दशी अर्थात् आजैका दिन पितृको मोक्षको कामना गर्दै बालाचतुर्दशी पर्व मनाउने गरिन्छ । देशका विभिन्न स्थानबाट आएका श्रद्धालु भक्तजनको बिहीबारदेखि नै पशुपतिमा भीड लागेको थियो ।

आफ्नो परिवारभित्रका दिवंगत आत्माको चिर शान्तिको कामना गर्दै श्लेषमान्तक वन, १०८ शिवलिंग, कैलाशडाँडा, सूर्यघाट, गौरीघाट, आर्यघाट, गुह्येश्वरी, पशुपति, मृगस्थली, विश्वरूप र किराँतेश्वर आदि ठाउँमा सतबीज छर्ने गरिन्छ ।

बालाचतुर्दशीको पूर्वसन्ध्या त्रयोदशीका दिन बिहीबार राति भक्तजनले पशुपतिनाथको मन्दिर वरपर बसी दिवंगत आत्माका नाममा महादीप बाली भजनकीर्तन र लोक झाँकी प्रस्तुत गरी रात बिताएका थिए ।


शतबीज भनिए पनि हाल सप्तबीज (धान, जौ, तिल, गहुँ, चना, मकै, कागुनो) छर्दै मृगस्थलीमा रहेका बहिरा गणेश नजिक आइपुगेपछि उक्त गणेशको शिलालाई हल्लाउँदै ठूलो स्वरले दिवंगत आत्माले पाउने गरी सन्देश पुर्‍याउन अनुरोध गरिन्छ ।

भगवान् शिव मृगरूप लिएर घुम्नुभएको पुण्यक्षेत्रमा आजका दिन एक गेडा बीज छर्दा एक गेडा सुन दान गरे बराबरको पुण्य मिल्ने र दिवंगत आत्माले पनि मुक्ति पाउने विश्वास गरिन्छ ।








प्रकाशित : मंसिर १, २०७४ १६:५१
प्रतिक्रिया
पठाउनुहोस्
ADVERTISEMENT

कोइराला 'ह्याट्रिक' गर्ने, वाम गठबन्धन किल्ला भत्काउने दाउमा

नवलपरासी — २०४६ सालपछिका सबै संसदीय निर्वाचनमा एकछत्र कांग्रेसले जित्दै आएका कारण नवलपरासी क्षेत्र नम्बर १ क्षेत्र चर्चामा छ । अघिल्ला दुइवटा संविधानसभा निर्वाचन जितेका कांग्रेस महामन्त्री शशांक कोइरालालाई यसपटक भने वाम गठबन्धन निकै चुनौतीपूर्ण बनेको छ ।

गत स्थानीय तहको मत विश्लेषण गर्दा वाम गठबन्धन भन्दा ७०५ मतले मात्र कांग्रेस अगाडि देखिएको छ । यस पटक वाम गठबन्धन जसरी पनि कांग्रेसको किल्ला भत्काउने रणनीतिमा लागेको छ भने कांग्रेस निर्वाचनमा कोइरालालाई ह्याट्रिक गराउने दाउमा देखिन्छ । 

कांग्रेसको गढ भनेर कहलिएको गैंडाकोट नगरपालिकाको मेयर एमालेले जितेपछि कांग्रेसका लागि चुनौती थपिएको हो । स्थानीय तह निर्वाचनमा गैंडाकोटमा कांग्रेसको अन्तर्घातका कारण पराजय भोगेको कांग्रेसवृत्तमा चर्चा छ । ६० वर्षपछि गैंडाकोटमा पहिलोपटक एमालेले कांग्रेसको किल्ला तोडेको हो । त्यहाँ कांग्रेसको किल्ला भत्काउन एमाले, जनमोर्चा, राप्रपाले गठबन्धन गरेका थिए । 

आसन्न मंसिर २१ गतेको निर्वाचनमा प्रतिनिधिसभाका लागि यहाँका सदावहार उम्मेदवार कोइरालाले त्यही छनक पाएर कांग्रेसको समानुपातिकमा आफ्नो निर्वाचन क्षेत्रका ६ जनालाई समानुपातिकतर्फ सांसदमा राख्न बाध्य भएका छन् । कोइरालाले आफ्नै क्षेत्रका उद्योगपति विनोद चौधरी, नेताहरु तिलक सापकोटा, सत्यनारायण खनाल, धनबहादुर मास्कि राना, बालकृष्ण बकावल र ओमकला गौतम (प्रदेश सांसदमा)लाई सांसदको सूचीमा राखेका छन् ।
 
त्यति गर्दा पनि कांग्रेस र वाम गठबन्धनले स्थानीय तहको निर्वाचनमा ल्याएको मत विश्लेषण गर्दा झिनो मतले कांग्रेस अगाडि देखिएका कारण निकै मेहेनत गरेको छ । वाम गठबन्धनबाट हौसिएका एमाले, माओवादीका कार्यकर्ता कांग्रेसी किल्ला तोड्ने कसरतमा लागेका छन् । 

प्रतिनिधिसभा क्षेत्र विभाजनमा पनि कोइरालाले कांग्रेस विजयी वडाहरुलाई क्षेत्र नम्बर १ मा राख्न सफल भएका छन् । यी सबै प्राविधिक विषय मिलाउँदा पनि यसपटक बलियो नदेखेपछि कोइरालाले आफ्नो प्रदेशमा उम्मेदवार पनि 'हेवीवेट' नै रोजेका छन् । नवलपरासी क्षेत्र नम्बर १ को (क)मा कांग्रेसबाट १६ वर्षसम्म जिल्ला सभापति र एक पटक केन्द्रीय सदस्य भइसकेका कृष्णचन्द्र नेपाली र आफ्ना विश्वास पात्र महेन्द्रध्वज जिसीलाई प्रदेश (ख)बाट उम्मेदवार बनाएका छन् ।
 
वाम गठबन्धनले माओवादी केन्द्रका भविश्वर पराजुलीलाई उम्मेदवार बनाएको छ । गत स्थानीय तहको निर्वाचनमा तेस्रो पोजिसनका माओवादी केन्द्रका उम्मेदवार बढी मतदाता रहेको कावासोतीका बासिन्दा हुन् । प्रदेश (क)मा माओवादी गठबन्धनका सूर्य न्यौपाने उम्मेदवार छन् भने प्रदेश (ख)मा एमाले नवलपुरका जिल्ला अध्यक्ष उम्मेदवार बनेका छन् । 

वाम गठबन्धनका उम्मेदवार भविश्वर पराजुली, कांग्रेस महामन्त्री कोइराला विराटनगर निवासी रहेकाले उनी 'टुरिस्ट' उम्मेदवार भएको आरोप लगाउँछन् । कोइराला राष्टिय तहका नेता भएर यहाँबाट २ पटक निर्वाचित भए पनि उल्लेख्य कुनै काम गर्न नसकेको आरोप पराजुलीको छ । आफ्नै (बाबुको नाम बेचेर) बिरासत बेचेर मत माग्ने, सांसद विकास कोषको पैसा बाँड्नेबाहेक सिन्को नभाँचेको आरोप उनीमाथि लगाइँदै आएको छ । आफूले केही नगरेको मतदाताले सोझै भेट्न नपाउनेलगायत आरोप निर्वाचनका बेलामा उनले फेस गर्न परेको छ ।

निर्वाचन प्रचारका क्रममा वाम गठबन्धनले कोइरालाले २, २ पटक अवसर पाए पनि कुनै गतिलो काम गर्न नसकेको भन्दै उनीबाट विकास निमार्णका काममा आशा गर्न नसकिने आरोप लगाउँदै मतदातालाई स्थानीय उम्मेदवार नै चाहिने तर्क गर्दै प्रचारमा आक्रमक देखिका छन् । कोइरालाले पार्टीका कार्यकर्ता पाल्नेबाहेक विकासको सिन्को समेत भाँच्न नसकेको आरोप छ । 

वाम गठबन्धनप्रति त्यति आक्रमक भनाई नराख्ने कोइरालाले राष्ट्रिय गौरवको कालीगण्डकी कोरीडर (करिब ८ अर्ब लगानी रहेको गैंडाकोट पोखरा जोड्ने निमार्णाधिन पहाडी सडक) नवलपरासी जिल्ला विभाजनपछि नवलपुरलाई छुट्टै जिल्ला बनाउन र कावासोती आफ्नै कार्यकालमा सुरु भएको र अब निर्वाचन जितेपछि आफ्नो निर्वाचन क्षेत्रमा एउटा ट्रमा सेन्टर र रिंगरोड निर्माण र रंगशाला निर्माण गर्ने वाचा गर्दै मत मागेका छन् ।
 

कुल मतदाता १ लाख १३ हजार ९ सय ६० मतदाता रहेको यो क्षेत्रमा स्थानीय तहपछि थपिएका १५ हजार मतदाता नै निर्णायक हुनसक्ने आँकलन पनि गरिएको छ । थपिएका मतदातामा दुवै गठबन्धनले आआफ्नो पक्षमा रहेको दाबी गर्दै आएका छन् ।  
  

प्रकाशित : मंसिर १, २०७४ १६:५१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT