पेरिसडाँडामा प्रकाशलाई अन्तिम श्रद्धाञ्जली (फोटोहरु)

कान्तिपुर संवाददाता

काठमाडौं — पूर्व प्रधानमन्त्री एवम् माओवादी केन्द्र अध्यक्ष पुष्पकमल दाहालका पुत्र प्रकाश दाहालको शव अन्तिम श्रद्धाञ्जलीको लागि माओवादी केन्द्र मुख्यालय पेरिसडाँडामा राखिएको छ । उनको आज बिहान निधन भएको थियो ।

सुतेकै स्थानमा अचेत अवस्थामा रहेका प्रकाशलाई उपचारका लागि बिहान ५:५० मा नर्भिक अस्पताल ल्याइएको थियो । चिकित्सकले उनलाई ५:५९ मा मृत घोषित गरेका थिए ।

प्रकाश दाहाललाई पिता पुष्पकमल दाहालले पार्टीको झण्डा ओढाएर श्रद्धाञ्जली अर्पण गरे ।

अहिले माओवादी केन्द्र मुख्यालय पेरिसडाँडामा प्रकाश दाहाललाई अन्तिम श्रद्धाञ्जली दिन पार्टी नेता, कार्यकर्ता तथा शुभेच्छुकको भीड लागेको छ । उनको आजै अन्त्येष्टि गर्ने कार्यक्रम छ । 

तस्बिरहरु : हेमन्त श्रेष्ठ/कान्तिपुर

 

 

 

प्रकाशित : मंसिर ३, २०७४ १४:४६
ADVERTISEMENT
प्रतिक्रिया
पठाउनुहोस्
ADVERTISEMENT

शोकाकुल परिवार, स्तब्ध शुभचिन्तक

प्रकाश दाहालको निधन
कान्तिपुर संवाददाता

काठमाडौं — ३७ वर्षीय दाहाललाई आज बिहान ५:५० मा उपचारका लागि नर्भिक अस्पताल लगिएको थियो । लगत्तै उनलाई चिकित्सकले मृत घोषित गरेका थिए ।

पूर्व प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहालका पुत्र प्रकाश दाहालको आज बिहान निधन भएपछि परिवार शोकाकुल छन् । शुभचिन्तक स्तब्ध छन् ।

चुनावी अभियानको क्रममा झापामा रहेका पुष्पकमल दाहाल काठमाडौं आइपुगेपछि प्रकाशको शव पेरिसडाँडास्थित माओवादी केन्द्र मुख्यालय लगिएको थियो । पेरिसडाँडामा श्रद्धाञ्जलीपछि आजै साँझ उनको अन्त्येष्टि गर्ने तयारी छ ।

प्रकाशको निधन भएलगत्तै उनका शुभचिन्तक, पार्टीका नेता तथा कार्यकर्ता अस्पताल पुगेका थिए । अन्य पार्टीका शीर्ष नेताहरु पनि दाहाल परिवारलाई समवेदना दिन अस्पताल पुगेका थिए । 

 

 

प्रकाशित : मंसिर ३, २०७४ १४:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT