विमानस्थल सञ्चालनले छायो खुसीयाली [फोटोफिचर]

विमल खतिवडा

मेघौली — लामो समयदेखि बन्द रहेको चितवनको मेघौली विमानस्थल बुधबारबाट औपचारिक रुपमा सञ्चालनमा आएको छ । नेपाल एयर लायन्सले अब हप्तामा ३ दिन उडान भर्ने छ ।

बन्द विमानस्थल पहिलो पटक सञ्चालनमा आएपछि स्थानीयमा खुसी छाएको छ । खुसीयालीमा नेपाल वायु सेवा निगमको जहाज चढेर आउने यात्रु तथा चालक दलका सदस्यलाई माला र टीका लगाएर स्वागत गरिएको थियो । त्यस्तै स्थानीय थारु महिलाले नृत्यमार्फत स्वागत गरे । विमानस्थलमा हात्ती समेत राखेर जहाज चढेर आउने पाहुनाको स्वागत गरिएको थियो ।

स्वागतमा मेघौली सेराई, साराङ वाइल्डलाइफ क्याम्प ,होटल बाराहीलगायत होटल तथा रिसोर्टका सञ्चालक, कर्मचारीहरु स्वागत गर्न पुगेका थिए । १९ सिटको जहाजमा सञ्चारकर्मी, नागरिक उड्ययन प्राधिकरणका कर्मचारीलगायत आएका थिए । दिउँसो १ बजेर ५० मिनेटमा आएको जहाज साँझ फर्किएको थियो । विमानस्थलका एयर ट्राफिक कन्ट्रोलर केशव लम्सालका अनुसार बुधवार, शनिबार र आइतबार एक/एक उडान हुने छ ।

नेपालीका लागि ३ हजार १ सय ६५ र विदेशीका लागि ९९ सय डलर भाडा लाग्ने छ । काठमाडौंबाट २७ मिनेटमा मेघौली पुगिने छ । मेघौली पर्यटन विकास समितिका पूर्वअध्यक्ष विश्व सुवेदीका अनुसार ०१७ सालमा सञ्चालनमा आएको विमानस्थल ०६७ सालबाट बन्द भएको थियो ।

प्रकाशित : मंसिर १३, २०७४ १८:२०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

होटलमा बसेर १२० वटा टिभी चोरेको आरोपमा भारतीय पक्राउ

बीबीसी

दक्षिण भारतका सस्ता खालका होटलमा बसेर होटलका टेलिभिजन चोरेको आरोपमा भारतीय प्रहरीले बैंगलोरबाट एक जनालाई पक्राउ गरेको छ । उनले चार महिनाको अवधीमा एकसय २० टेलिभिजन चोरेको प्रहरीको भनाई छ ।

प्रहरीका अनुसार वासुदेव ननैया नामक ति पुरुषको भद्र र शालिन स्वभावका कारण होटलका कर्मचारीले उनले टेलिभिजन चोरेका हुन् भनेर शंकासमेत गर्दैनथे ।

प्रहरीका अनुसार ननैया मध्यम खालको सुटकेश बोकेर होटलमा बस्थे ।

उनी अक्टोबर महिनामा पनि होटलबाट टिभी चोरी गरिरहेको बखत पक्राउ परेका थिए र लगत्तै धरौटीमा रिहा भएका थिए ।

प्रहरीका अनुसार रिहा भएको केही दिनपछि नै उनले पुन: टिभी चोर्न थालेका थिए ।

प्रहरीका अनुसार होटलको कोठाको टिभी आफ्नो सुटकेशमा नअट्ने जस्तो देखिए उनी पुन: अर्को सुटकेश किनेर ल्याउथे र टिभी बोकेर निस्कन्थे ।

‘उनी हतार भएजसरी होटलबाट बाहिरिने र भित्रिने गरिरहन्थे जसकारण होटलका रिसेप्सनिष्टले समेत उनी टिभी बोकेर कतिखेर निस्किए याद नै गर्दैनथे,’ प्रहरीले भनेको छ ।

चोरेको टेलिभिजन बिक्री गर्न लाग्दा उनी अहिले पक्राउ परेका हुन् । उनले टेलिभिजन बिक्री गर्न खोजेको व्यक्तिले प्रहरीलाई जानकारी गराएका थिए ।

बैंगलोर प्रहरीले उनीमाथि २१ टिभी चोरी गरेको आरोपमा मुद्दा दायर गरेको छ ।

उनमा मानसिक समस्या भएर पो यस्तो चोरी गरेका हुन् कि भन्ने बिषयमा अदालतले निक्र्यौल गर्ने प्रहरीको भनाई छ ।

प्रकाशित : मंसिर १३, २०७४ १८:१७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT