यसरी भयो झापामा मतदान [फोटोफिचर]

पर्वत पोर्तेल

काँकडभिट्टा — प्रतिनिधिसभा तथा प्रदेशसभा सदस्य चुनावका लागि झापाका मतदाता उत्साहित देखिएका छन् । दोस्रो चरणको निर्वाचन अन्तर्गत बिहान ७ बजेदेखि मतदानका लागि उनीहरु लामबद्ध भएका थिए ।

महिला, जेष्ठ नागरिक, अशक्त, अपाङ र किरियापुत्रीहरु समेत मतदानमा उत्साहजनक रुपमा सहभागी बने । झापामा ५ वटा प्रतिनिधिसभा र १० वटा प्रदेशसभा निर्वाचन क्षेत्रमा ५ लाख ८५ हजार २ सय २८ मतदाता रहेको जिल्ला निर्वाचन कार्यालय झापाले जनाएको छ ।

मतदानका लागि जिल्लाको सुरक्षा व्यवस्था कडा तुल्याइएको छ । झापाका एसपी विष्णु केसीले निर्धक्क भएर मतदान गर्ने वातावरण तयार पारिएको बताए । जिल्ला निर्वाचन कार्यालय झापाका अनुसार चार बजेसम्म झापामा ६० प्रतिशतभन्दा बढी मतदान भएको छ । जिल्लाका २ सय ८३ मतदानस्थलमा ६ सय ९२ मतदान केन्द्रमा ५ हजार ५ सय ३६ जना जना कर्मचारीसहित २ हजार ६४ स्वयम सेवक गरी ७ हजार ६ सय कर्मचारी खटाइने छ । सुरक्षाकर्मीको उपस्थिति पनि बाक्लो छ । आचार्यका अनुसार एउटा निर्वाचनस्थलमा एकजना मतदान अधिकृत, एकजना सहायक मतदान अधिकृत, चार सहायक कर्मचारी र दुईजना सहयोगी कर्मचारी गरी आठ जनाको कर्मचारी टोली खट्ने छ । समाचार तयार पार्दासम्म जिल्लामा कुनै अप्रिय घटना भएको छैन । 

प्रकाशित : मंसिर २१, २०७४ १६:४५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

अछाममा कांग्रेस र वाम गठबन्धनका कार्यकर्ताबीच झडप

कान्तिपुर संवाददाता

अछाम — अछामको चौरपाटी गाउँपालिका-५, लुंग्राको दया पिपलतोला मावि मतदान केन्द्रमा नेपाली कांग्रेस र वाम गठबन्धनका कार्यकर्ताबीच झडप हुँदा स्थिती तनावग्रस्त बनेको छ । नेपाली कांग्रेसले फर्जि मत खसालेको आरोप वाम गठबन्धनका कार्यकर्ताले लगाएपछि ढुंगा हानाहान भएको स्थानीय निराजन खड्काले जानकारी दिए ।

अछामको चौरपाटी गाउँपालिका-५, लुंग्राको दया पिपलतोला मावि मतदान केन्द्रमा नेपाली कांग्रेस र वाम गठबन्धनका कार्यकर्ताबीच झडप हुँदा स्थिती तनावग्रस्त बनेको छ ।

नेपाली कांग्रेसले फर्जि मत खसालेको आरोप वाम गठबन्धनका कार्यकर्ताले लगाएपछि ढुंगा हानाहान भएको स्थानीय निराजन खड्काले जानकारी दिए । स्थितलाई नियन्त्रणमा लिन प्रहरीले ३ राउण्ड अस्रुग्यास प्रहार गरेको छ । अवस्था उग्र हुने भएपछि अहिले नेपाली सेनाको हेकिप्टरले त्यहाँ गए पनि बस्न नसकेर हवाई गस्ती गरिरहेको छ ।

झडपमा कति घाइते भए भन्ने एकिन हुन नसकेको स्थानीयले बताएका छन् । अहिले धेरैजसो मतदाता स्थानीयको घरमा लुकेर बसेको बताइएको छ । उक्त मतदान केन्द्र अछाम क्षेत्र नं १ प्रदेशसभा क्षेत्र नं १ का नेपाली कांग्रेसका उम्मेदवार मेघराज खड्काको मतदान केन्द्र हो ।

प्रकाशित : मंसिर २१, २०७४ १६:४५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT