रानीपोखरीबाट कमलपोखरी सारिएका माछा धमाधम मर्न थाले

शब्द/तस्बिर : सुरविन्द्रकुमार पुन

काठमाडौँ — कमलपोखरीका माछा धमाधम मर्न थालेका छन् । यी माछा अघिल्लो वर्ष मंसिरमा रानीपोखरीबाट नजिकैको कमलपोखरीमा सारिएका थिए । स्थानीयका अनुसार मंगलबार बिहानैदेखि मरेका माछा पोखरीमा तैरिएको अवस्थामा देखिएका हुन् ।


Esewa Pasal

प्रकाशित : माघ ११, २०७४ ११:५५

कमलपोखरीमा हाल तीन थरिको माछा रहेकोमा रानीपोखरीबाट ल्याइएका जुँगे माछाहरु कुनै ज्युँदो नरहेको स्थानीयको दाबी छ । ‘पोखरीमा अब दश प्रतिशतको हाराहारीमा मात्र माछा रहेको हुनुपर्छ’, स्थानीय सिंहबहादुर तामाङ भन्छन्, ‘पोखरीभरि बग्रेल्ती पौडिरहने माछा अब देखिन छाडेका छन् ।

जिउँदो देखिएका पनि सक्रिय भई पौडिन सकेका छैनन् ।’ पोखरीमा जोडिएको पाइपलाइनबाट आउने पानीमा कुनै विषादि मिसिएकाले पनि यस्तो हुन सक्ने तामाङको अनुमान छ । मंगलबारदेखि नै मरेका माछा पन्छाउन स्थानीय किशोरहरु खटिएका छन् ।

Yamaha

उनीहरु डुङ्गामा चढेर मरेका माछा संकलन गरिरहेका छन् । मरेका माछालाई व्यवस्थापन नगरिएकाले वरिपरिको वातावरण दुर्गन्धित बन्न पुगेको छ भने सो घटनाप्रति सम्बन्धित सरोकारवाला मौन रहेको स्थानीयको गुनासो छ ।

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

फेरि सँगै देखिए प्रियंका, आश्मा र सरोज (भिडियो सहित)

कान्तिपुर संवाददाता

काठमाडौँ — ‘आई लभ यु’मा करोड भ्यूज् पाएको र करोड नजिक पुगेको ‘जता जता पिरतीको बाटो’ पछि गायक सरोज ओलीले ‘माछीले खाने खोलीको लेऊ’ बोलको नयाँ गीत सार्वजनिक गरेका छन् ।

अभिनेत्री प्रियंका कार्की, कार्टुन्ज क्रुका आश्मा विश्वकर्मा र सरोज अधिकारीको अभिनय रहेको गीतको म्यूजिक भिडियो सार्वजनिक भएको छ । लामो समयपछि प्रियंका, आश्मा र सरोज एकसाथ एउटै म्युजिक भिडियोमा देखिएका हुन् ।

यसअघि चलचित्र पुरानो डुंगा को ‘नीर जैले रिसाउने’ बोलको गीतमा उनीहरुले सँगै फिचरिङ गरेका थिए । कविराज गहतराजले कोरियोग्राफी रहेको भिडियोको छायांकन सुदिप बरालले गरेका छन् । मेलिना राई र सरोज ओलीको आवाजमा रहेको गीतमा वसन्त सापकोटाको संगीत छ ।

प्रकाशित : माघ ११, २०७४ ११:४०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT