यसरी फोरिँदै छ चट्टाने भीर [फोटोफिचर]

शब्द/तस्बिर : बलराम घिमिरे

रसुवा — नेपाली सेनाले निर्माण गरिरहेको मैलुङदेखि स्याफ्रुबेंसीसम्मको १७ किलोमिटर सिंगल लेनको ट्रयाक खोल्ने काम सकिएको छ । डबल लेन सडक निर्माण सकिने अब ६ सय मिटर बाँकी छ । अबको ३ महिनामा सडक निर्माण सम्पन्न भइ गाडी गुड्ने नेपाली सेनाको विकास निर्माण निर्देशनालयका निर्देशक रामधर सिंहले बताए ।

प्रकाशित : माघ १२, २०७४ १५:४१

उनका अनुसार नयाँ वर्षमा डबल लेनको १७ किलोमिटर सडक निर्माण पूरा गरी सरकारलाई हस्तान्तरण गरिने छ । अहिले सेनाले मैलुङ–स्याफ्रुबेंसी सडक खण्डको त्रिशूली खोलामा पर्ने चट्टाने भीर फोर्ने काम अन्तिम चरणमा पुर्‍याइसकेको जनाएको छ ।

सेनाले पाँच ठाउँमा क्याम्प राखेर ८ स्थानबाट काम गरिरहेको छ । १ सय ९० जना सेना र ३ सय ५० जना सिभिल कामदार परिचालन गरेर सडक निर्माणलाई युद्धस्तरमा अगाडि बढाइएको मैलुङ–स्याफ्रुबेंसी सडक निर्माण कार्यदलका मेजर सञ्जय केसीले बताए । गल्छी, बेत्रावती, मैलुङ, स्याफ्रुबेंसी रसुवागढी सडक बनेपछि उत्तर (चीनको केरुङ) र (दक्षिण (भारतको ठोरी) जोडिने सबैभन्दा छोटो त्रिदेशीय सडक हुनेछ । अहिले सञ्चालनमा रहेको पासाङ ल्हामुमार्गको बेत्रावती, कालिकास्थान, धुन्चे स्याफ्रुबेंसी सडकभन्दा बेत्रावती, मैलुङ, स्याफ्रुबेंसी सडकको दूरी २४ किमि कम छ ।

चीन सरकारले सन् २०२० सम्ममा सिगात्सेबाट केरुङसम्म रेल ल्याउने गरी तयारी गरेको छ । सेनाबाट सडक हस्तान्तरण गरेपछि सडक विभागले कालोपत्रेको काम अघि बढाउने छ । सडक निर्माण पूरा भएसँगै रसुवागढीदेखि धादिङको गल्छीसम्मको दूरी ८४ किलोमिटरको हुनेछ । गल्छीबाट काठमाडौंसम्मको दूरी ५० किलोमिटर छ । काठमाडौंबाट चीनको केरुङ करिब ४ घण्टामा पुग्न सकिने छ । पर्साको ठोरीबाट चितवनको भण्डारा-गल्छी हुँदै त्रिशूली बेत्रावती–मैलुङ–स्याफ्रबेंसी मार्ग सञ्चालन हुँदा चीन र भारतबीचको दूरी दुई सय ३० किलोमिटर हुनेछ ।

प्रतिक्रिया
पठाउनुहोस्

लाङटाङ लिरुङको सुनौला दृश्य 

शब्द/तस्बिर : बलराम घिमिरे

रसुवा — लाङटाङ लिरुङ हिमाल बिहान, दिउँसो र बेलुका फरक फरक देखिन्छ । यसको बदलिदो भागभंगीले अवलोकनकर्ताकाे मन बहलिन्छ । 

लाङटाङ लिरुङ रसुवा जिल्ला गोसाइकुण्ड गाउँपालिका– ४ मा पर्छ । ७ हजार २ सय ४५ मिटर अग्लो यो हिमाल सुर्योदय र सुर्यास्तको बेला सुनझैं चिम्कलो बन्छ । लाङटाङ राष्ट्रिय निकुञ्ज भित्र पर्ने लाङटाङ लिरुङ हिमाल अवलोकन गर्न वर्षेनी दशाै‌ हजार पर्यटक आउने गर्छन् । यो नेपालकै तेस्रो पर्यटकीय पदमार्गको रुपमा रहेको छ । लाङटाङ लिरुङलाई जिल्लाको उतरी क्षेत्रबाट देख्न सकिन्छ ।

गोसाइकुण्ड पदमार्गको लौरीबिना र तामाङ सम्पदा मार्गको नाकथलीबाट यो हिमाल नजिकै देखिन्छ । लाङटाङ क्षेत्रमा पर्यटकका लागि घुम्न तीन पदमार्ग छन् । धुन्चे, गोसाइकुण्ड हुादै सिन्धुपाल्चोकको हेलम्बु, स्याफ्रुबेसी हुादै लाङटाङ र तामाङ सम्पदा मार्गको स्याफ्रुबेसी देखि गोल्जङ, गतलाङ, चिलिमे थुमन, टिमुरे, बृदिम हुँदै स्याफ्रुसम्मको पदमार्ग ।

लाङटाङ लिरुङ रसुवा जिल्ला गोसाइकुण्ड गाउFपालिका– ४ मा पर्छ। ७ हजार २ सय ४५ मिटर अग्लो यो हिमाल सुर्योदय र सुर्यास्तको बेला सुनझैं चिम्कलो बन्छ।

लाङटाङ राष्ट्रिय निकुञ्ज भित्र पर्ने लाङटाङ लिरुङ हिमाल अवलोकन गर्न वर्षेनी दशाै‌ हजार पर्यटक आउने गर्छन्। यो नेपालकै तेस्रो पर्यटकीय पदमार्गको रुपमा रहेको छ। लाङटाङ लिरुङलाई जिल्लाको उतरी क्षेत्रबाट देख्न सकिन्छ।

गोसाइकुण्ड पदमार्गको लौरीबिना र तामाङ सम्पदा मार्गको नाकथलीबाट यो हिमाल नजिकै देखिन्छ।

लाङटाङ क्षेत्रमा पर्यटकका लागि घुम्न तीन पदमार्ग छन्। धुन्चे, गोसाइकुण्ड हुादै सिन्धुपाल्चोकको हेलम्बु, स्याफ्रुबेसी हुादै लाङटाङ र तामाङ सम्पदा मार्गको स्याफ्रुबेसी देखि गोल्जङ, गतलाङ, चिलिमे थुमन, टिमुरे, बृदिम हुँदै स्याफ्रुसम्मको पदमार्ग।

प्रकाशित : पुस २७, २०७४ १६:५२
पूरा पढ्नुहोस्
प्रतिक्रिया
पठाउनुहोस्