रारामा चहलपहल [फोटोफिचर]
रारा (मुगु) — कर्णाली रारा पर्यटन वर्ष २०७५ शुभारम्भ शनिबार हुँदैछ । कर्णाली प्रदेश सरकारको आयोजनामा सुरु हुन लागेको पर्यटन वर्षको प्रधानमन्त्री केपी ओलीले उद्घाटन गर्दैछन् । शुक्रबार साँझ रारा पुगेका ओलीले शनिबार बिहान देशवासीको नाममा सम्बोधन गरेका छन् ।
कार्यक्रमका लागि नेपाली सेना, नेपाल प्रहरी र राष्ट्रिय अनुसन्धान विभागका सुरक्षाकर्मी परिचालित छन् । प्रदेश सरकारको पहिलो बैठकले नयाँ वर्षका अवसरमा प्रमुख पर्यटकीय स्थल मुगुको रारा ताललाई केन्द्रमा राखेर ‘पर्यटन वर्ष’ मनाउने निर्णय गरेको थियो । ‘कर्णाली समृद्धिको आधार : पर्यटनको विकास र पूर्वाधार’ भन्ने नाराका साथ पर्यटन वर्ष मनाउन लागिएको हो ।
प्रकाशित : वैशाख १, २०७५ १२:३१