डा. उपेन्द्र देवकोटा पुर्ख्यौली घर पुग्दा... [फोटोफिचर]

हरिराम उप्रेती

पालुङटार (गोरखा) — स्वास्थ्य अवस्था जटिल बन्दै गर्दा वरिष्ठ न्यूरो सर्जन डा. उपेन्द्र देवकोटाले बारम्बार पुर्ख्यौली घर जाने इच्छा व्यत्त गरे । देवकोटाको इच्छालाई शनिबार उनका परिवारले पूरा गरिदिए । हेलिकप्टर चार्टर गरेर पालुङटार नगरपालिका–४ बोहोरागाउँस्थित पुर्ख्यौली घर ल्याएका देवकोटालाई भेट्न उनका शुभचिन्तकको भीड लागेको थियो । झण्डै डेढ घण्टा बोहोरागाउँमा बिताएका देवकोटा ५५ मिनेट जन्मिएको घरमा सुस्ताए ।

प्रकाशित : जेष्ठ २६, २०७५ १९:५५

२०७२ वैशाख १२ गतेको भूकम्पले भत्काएको पुरानो घर उनले एक वर्षअघि मर्मत गरेका थिए । ‘१५ दिनअघि म उहाँलाई सिस्नेपानी धाराको पानी खाने बोत्तलमा राखेर भेट्न पुगेको थिएँ, उहाँले गाउँमै आएर पानी खाने इच्छा देखाउनुभयो, आज आउनुभयो,’ स्थानीय प्रदीपचन्द्र देवकोटाले भने ।

Yamaha

चम्चाको सहाराले सिस्ने धाराको पानी खाएपछि देवकोटाको अनुहारमा चमक आएको उनी बताउँछन् । गाउँ आएपछि उपेन्द्र निकै खुसी भएका उनका उपचारमा संलग्न मेडिसिटी अस्पतालका इमर्जेन्सी मेडिसिन विभागका प्रमुख इमर्जेन्सी मेडिसिन फिजिसियन डा‍. सञ्जय कार्कीले बताए । ‘म गाउँ आइपुँगे भनेर उहाँलाई फिल भएको छ,’ उनले भने, ‘सरको अवस्था गभ्भीर छ, उहाँको पानी खाने इच्छा पूरा गर्न यहाँ ल्याएका हौँ, पानी खाएपछि उहाँको अनुहारमा खुसी देखियो ।’ कार्की नेतृत्वको टोलीले देवकोटाको स्वास्थ्य उपचारमा खटिएका थिए । उपेन्द्रले आफ्ना शुभचिन्तकसँग दोहोरो संवाद गर्न भने सकेनन् ।

ADVERTISEMENT
प्रतिक्रिया
पठाउनुहोस्
ADVERTISEMENT

देउवा सहभागी कार्यक्रममा कार्यकर्ताको होहल्ला

डीआर पन्त

डडेलधुरा — कांग्रेस जिल्ला सम्मेलनको उद्घाटन गर्न डडेलधुरा पुगेका पूर्वप्रधानमन्त्री तथा कांग्रेस सभापति शेरबहादुर देउवालाई कांग्रेस कार्यकर्ताहरुले स्वेच्छाचारी नबन्न चेतावनी दिएका छन् ।


गत निर्वाचनपछि पहिलो पटक गृहजिल्ला आइपुगेका देउवा प्रमुख अतिथि रहेको कार्यक्रममा नै कार्यकर्ताहरुले विधि प्रक्रिया र पद्धति मिचेर काम नगर्न चेतावनी दिएका हुन्। जिल्ला सम्मेलन उद्घाटन मन्तव्य दिइरहँदा कार्यकर्ताहरुले सभास्थलमा होहल्ला समेत गरेका थिए। दुइ गुटमा विभाजित रहेको डडेल्धुरा कांग्रेसको संस्थापन पक्षका कार्यकर्ताले देउवालाई यसरी चेतावनी दिँदै सभास्थलमा होहल्ला गरेका हुन्।

कार्यकर्ताको विरोधका बीच सम्बोधनलाई अघि बढाएका देउवाले कांग्रेसलाई पुरानै स्थितिमा फर्काएर मात्र आफूले विश्राम लिने बताए। उनले कांग्रेसलाई देशको एक नम्बर पार्टी बनाएर मात्र विश्राम लिने दाबी समेत गरेका थिए।

प्रकाशित : जेष्ठ २६, २०७५ १८:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT