डा. उपेन्द्र देवकोटा पुर्ख्यौली घर पुग्दा... [फोटोफिचर]

२०७२ वैशाख १२ गतेको भूकम्पले भत्काएको पुरानो घर उनले एक वर्षअघि मर्मत गरेका थिए । ‘१५ दिनअघि म उहाँलाई सिस्नेपानी धाराको पानी खाने बोत्तलमा राखेर भेट्न पुगेको थिएँ, उहाँले गाउँमै आएर पानी खाने इच्छा देखाउनुभयो, आज आउनुभयो,’ स्थानीय प्रदीपचन्द्र देवकोटाले भने ।

चम्चाको सहाराले सिस्ने धाराको पानी खाएपछि देवकोटाको अनुहारमा चमक आएको उनी बताउँछन् । गाउँ आएपछि उपेन्द्र निकै खुसी भएका उनका उपचारमा संलग्न मेडिसिटी अस्पतालका इमर्जेन्सी मेडिसिन विभागका प्रमुख इमर्जेन्सी मेडिसिन फिजिसियन डा‍. सञ्जय कार्कीले बताए । ‘म गाउँ आइपुँगे भनेर उहाँलाई फिल भएको छ,’ उनले भने, ‘सरको अवस्था गभ्भीर छ, उहाँको पानी खाने इच्छा पूरा गर्न यहाँ ल्याएका हौँ, पानी खाएपछि उहाँको अनुहारमा खुसी देखियो ।’ कार्की नेतृत्वको टोलीले देवकोटाको स्वास्थ्य उपचारमा खटिएका थिए । उपेन्द्रले आफ्ना शुभचिन्तकसँग दोहोरो संवाद गर्न भने सकेनन् ।