तुइनको लठ्ठा तान्दा हातमा ठेला... [फोटोफिचर]

हरिराम उप्रेती

घ्याल्चोक (गोरखा) — गण्डकी गाउँपालिका–८ घ्याल्चोकका स्थानीय निकै जोखिमका साथ तुइनबाट त्रिशूली नदी वारपार गर्न बाध्य छन् । ठेकेदारले झोलुङ्गे पुल निर्माणमा ढिलाई गर्दा जोखिमले त्रिशूली नदी तर्न स्थानीय बाध्य बनेका हुन् । केपी ओली पहिलोपटक प्रधानमन्त्री हुँदा दुई वर्षभित्र तुइन विस्थापन गर्ने घोषणा गरेका थिए ।

प्रकाशित : जेष्ठ २७, २०७५ १८:४७

तुइनको लठ्दा तान्दा अधिकांश गाउँलेको हातमा ठेला उठेको घ्याल्चोकका शैलेश रेग्मी बताउँछन् । ‘घामले लठ्ठा फलाम आगोमा तताएजस्तो तात्छ, लठ्ठा तान्दा हातमा ठेला नपरेको मान्छे यहाँ भेटाउन मुस्किल छ,’ उनले भने । तुइनको साहाराले गण्डकी गाउँपालिका–८ घ्याल्चोकका स्थानीय उत्पादित तरकारी पृथ्वी राजमार्ग सँगैको चरौदी बजारमा लैजान्छन् । दिउँसो १० बजेबाट चार बजेसम्म तुइनबाट वारपार गर्नेको भीड लाग्ने गरेको छ । २०६७ सालबाट सहज आवतजावातको लागि उक्त ठाउँमा तुइन निर्माण गरिएको हो ।

गण्डकी गाउँपालिका–८ घ्याल्चोक र धादिङको रोराङ गाउँपालिका चरौदी जोड्ने झोलुङ्गे पुलको निर्माण २०७४ असोज १५ गते सम्पन्न गर्ने भन्दै एक वर्षअघि मना कन्ट्रक्सन जेभिले जिम्मा लिएको थियो । तर ठेकेदारको लापरबाहीले उत्त पुल निर्माण निकै सुस्त छ । ‘म्याद सकिएर थप भएको छ, असोज महिनाभित्र काम सक्ने लक्ष्य लिएका छौँ,’ जेभिका महेन्द्र अधिकारीले भने ।

प्रतिक्रिया
पठाउनुहोस्

इदको बिदा खारेजप्रति सांसद खानको आपत्ति 

कान्तिपुर संवाददाता

काठमाडौँ — नेकपाकी सांसद कलिला खानले इदउल फित्रको बिदा कटौती गरिएकोप्रति आपत्ति जनाएकी छन् । संघीय संसद्‌मा आइतबार विशेष सयम लिएर बोल्दै खानले आउँदै गरेको इदुल फित्र, इदउल अजहामा सार्वजनिक बिदा कायम गर्न ध्यानकर्षण गराइन् ।

‘बिदा कटौतीले लाखौं मुस्लिमहरु मर्कामा परेका छन्,’ उनले भनिन्, ‘धार्मिक पर्वसमेत भएकाले बिदा दिलाउन माग गर्दछु ।’

आगामी साता मनाइने इदुल फित्रकै दिन परीक्षा राखिएकामा पनि आपत्ति जनाउँदै उनले चाडको दिनको परीक्षा खारेज गर्न शिक्षामन्त्रीको ध्यानाकर्षण गराइन् । ‘जहिले पनि चाडकै दिन परीक्षा राख्ने गरिन्छ,’ उनले भनिन्, ‘मुस्लिम विद्यार्थी त्यो दिन परीक्षा दिन असमर्थ भएकाले तत्काले खारेज गर्न माग गर्दछु ।’

प्रकाशित : जेष्ठ २७, २०७५ १८:२५
पूरा पढ्नुहोस्
प्रतिक्रिया
पठाउनुहोस्