काकाकुल चौरजहारी

हरि गौतम

रुकुम पश्चिम — चौरजहारी उपत्यका राष्ट्रिय गौरवको आयोजना मध्यपहाडी लोक मार्गका उत्कृष्ट दश सहर मध्यको एक हो । चौरजहारी नगरपालिका-१,२ र ३ नम्बर वडामा फैलिएको बजार लामो समयदेखि काकाकुल छ ।

प्रकाशित : जेष्ठ २८, २०७५ १४:२२

तीतेखर्क र कालाखोला मुहानबाट २०४५ सालअघि ल्याइएको पानीले बढेको जनसंख्यालाई पुगेको छैन भने पुरानो आयोजना भएकाले आयोजनको मुहान, पाइप र ट्याङ्कीहरु समेत जिर्ण हुँदा चौरजहारीमा पुग्दो खानेपानी आउँदैन ।

खानेपानी भर्नकै लागि सर्वसाधारण बिहान ३ बजेदेखि नै धारामा लाइन बस्न बाध्य छन् । धारामा पानी नआउँदै लाइन बसेका कतिपय त पानी नभरी रित्तै पनि फर्कनुपर्ने बाध्यतामा छन् ।

Yamaha

पौने घण्टादेखि १ घण्टा मात्रै धारामा पानी आउने र त्यो पनि सानो भएकाले धारा पुगेका सबैले पानी भर्न नपाउने स्थानीयले गुनासो गरे । साउन र भदौ महिना बाहेक अन्य दश महिना पानीको अभाव उस्तै हुने चौरजहारी नगरपालिका-२ का रामकुमार गौतमले बताए ।

चौरजहारी उपत्यकामा खानेपानी आपूर्तिका लागि भेरी नदीमा सौर्य प्रणाली जडान गरिएपनि त्यसको प्रभावकारीता देखिएको छैन । कहिलेकाँही भेरीको पानी आउने गरेपनि नियमित आउँदैन । भेरी र धाराको पानी दैनिक नभै दिन बिराएर मात्रै आउने गर्दछ ।

प्रतिक्रिया
पठाउनुहोस्
ADVERTISEMENT

यूएन पार्कमा गुण्डालाई नियन्त्रणमा लिन प्रहरीले गोली चलायो

गुण्डा अशोक लामा घाइते, वीरमा उपचार हुँदै
जनकराज सापकोटा

काठमाडौँ — शंखमुलस्थित यूएनपार्क नजिकै महानगरीय प्रहरी अपराध महाशाखाको टोलीलाई आक्रमण गर्न खोजेपछि काभ्रेली समूहका गुण्डा अशोक लामालाई प्रहरीले गोली हानेर नियन्त्रणमा लिएको छ ।

तस्बिरः कबिन अधिकारी

महाशाखा प्रमुख एसएपी धिरजप्रताप सिंहका अनुसार लामालाई दायाँ घुँडा मुनी गोली लागेको छ। उनलाई प्रहरीको टोलीले नियन्त्रणमा लिएर उपचारका लागि वीर अस्पताल पुर्‍याएको सिंहले बताए।

एसएसपी सिंहका अनुसार प्रहरीले लामालाई पछ्याउँदै जाँदा उनले प्रतिकार गर्न खोजेपछि प्रहरी टोलीले गोली चलाएको हो। लामाको साथबाट एक पेस्तोल र २ थान गोली पनि बरामद भएको छ।

लामाले सातदोबाटोदेखि भैंसिपाटीसम्म विभिन्न व्यापारी तथा घरजग्गा प्लटिङ व्यवसायीसँग धम्काएर पैसा असुल गर्ने देखि अवैध रुपमा जुवा खेलाउने कार्यमा संलग्न रहेको प्रहरीको आरोप छ।

उनीसँगै रहेका २ जना भाग्न सफल भएको प्रहरीले जनाएको छ।

प्रकाशित : जेष्ठ २८, २०७५ १४:२१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT