इदउल फित्र मनाइयो

तस्बिर : कविन अधिकारी

काठमाडौँ — विश्व शान्तिको कामना गर्दै नेपालका मुस्लिम धर्मावलम्बीले हर्षोल्लासकासाथ इदउल फित्र मनाएका छन् । मुस्लिम समुदायका अगुवाले इदको बिदा कटौती गरेर सरकार हाम्रो अधिकारप्रति उदासीन रहेको देखिन्छ भन्दै यो पर्वका अवसरमा दिदैं आएको बिदा कटौती गरिएकोप्रति असन्तृष्टि व्यक्त गरेका थिए । 

प्रकाशित : असार २, २०७५ १३:३३

नेपालमा कूल जनसंख्याको चार प्रतिशतभन्दा बढी मुस्लिम समुदायको बसोबास छ । इदरउल फित्रका अवसरमा इदगाहमा जम्मा भएर सामूहिक नमाज पढेर यो पर्व मनाइयो ।

मुस्लिम समुदायका महिला र पुरुष मस्जिद तथा इदगाहमा जम्मा भएर इद मिलनको खुशी साटासाट पनि गरेका छन् । 

Yamaha

एक महिनासम्म दिनभरि कठोर उपवास व्रत (रोजा) बसी पाँच पटक नमाज पाठ गरेर मनाउँदै आएका छन् । शुक्रबार साँझ चन्द्रमा (चाँद) देखेपछि रोजा समाप्तीको खुशियालीमा आज इद उल फित्र मनाएका छन् । 

यस अवसरमा मस्जिद तथा इदगाहमा महिला पुरुष बालबालिका सबै जम्मा भएर नवाज पाठ गरी बधाई, शुभकामना आदनप्रदान गरी एकापसमा गला मिलाएर खुशियालीसँग यो पर्व मनाएका हुन् । 

प्रतिक्रिया
पठाउनुहोस्

ट्रेड युनियन कांग्रेसमा पौडेल र सिटौला पक्षकाे प्यानलै

कान्तिपुर संवाददाता

काठमाडौँ — नेपाल ट्रेड युनियन कांग्रेसकाे छैटौं महाधिवेशनबाट रामचन्द्र पौडेल र कृष्णप्रसाद सिटौलानिकट प्यानल विजयी छ । शनिबार सम्पन्न मतगणनामा पौडेल–सिटौला पक्षका अध्यक्ष उमेद्वार पुष्कर आचार्यकाे प्यानल नै विजयी भएको हो ।

आचार्यले ८ सय १८ मतर निकटतम प्रतिद्वन्द्वी ट्रेड युनियन कांग्रेसका निवर्तमान अध्यक्ष खिलानाथ दाहालले ५ सय ३३ मत ल्याएका छन्।

यस्तै वरिष्ठ उपाध्यक्षमा महेन्द्रप्रसाद यादव, उपाध्यक्ष (खुला) तेजेन्द्रजंग कार्की र अजयकुमार राई, उपाध्यक्ष (महिला) इन्दिरा सापकोटा, उपाध्यक्ष (सेवा) नेत्रविक्रम थापा, उपाध्यक्ष (उत्पादन) ललित श्रेष्ठ, उपाध्यक्ष (अनौपचारिक) आशासिंह राठौर र महासचिवमा योगेन्द्रकुमार कुँवर निर्वाचित भएका छन्।

यसैगरी उपमहासचिव (खुला) गणेशबहादुर केसी, ज्योति कोइराला, उपमहासचिव (महिला) राधिका कुँइकेल, उपमहासचिव (सेवा) सीताराम अवस्थी, उपमहासचिव (अनौपचारिक) राजेश पालिखे, उपमहासचिव (उत्पादन) ईश्वरबहादुर परियार, कोषाध्यक्ष मोहनकुमार बस्नेत र सहकोषाध्यक्ष सुशीला घिमिरे निर्वाचित भएका छन्।

दाहाल र आचार्य दुई समूह बनाएर भएको निर्वाचनमा एक सदस्यबाहेक सबै आचार्य समूहका उम्मेदवारले जितेका छन्।कांग्रेस सभापति शेरबहादुर देउवा पक्षका दाहालको प्यानलबाट खुल्ला सदस्य धु्रवचन्द्र गौतममात्र विजयी भएका छन्।

एक हजार ४ सय २० मतदाता रहेको ट्रेड युनियन कांग्रेसमा एक हजार ३ सय ९८ मत खसेकोथियाे।

प्रकाशित : असार २, २०७५ १३:२६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT