पौने घण्टाको वर्षामा जे देखियो [फोटोफिचर]

शब्द/तस्बिर : सुरविन्द्रकुमार पुन

काठमाडौँ — करिब पौने २ बजे, राजधानीको भृकुटीमण्डपमा थापाथलीतर्फ जान गाडी पर्खिरहेको थिएँ । यसैबखत एक्कासी पानी पर्‍यो । केहीबेर अघिसम्म सामान्य देखिएका मान्छेको दैनिकी एक्कासी बिथोलियो । पैदल हिँड्दै गरेकाहरु कोही रुखमुनि त कोही प्रतीक्षालयमुनि ओत लिन तँछाडमछाड गर्न थाले ।

Esewa Pasal

प्रकाशित : श्रावण ४, २०७५ १९:०२

वर्षात्‌को सिजन भएकाले धेरैसँग छाता थियो । छाता भए तापनि हतारका बेला गाडीमा फुत्त छिर्नु पनि मुश्किलै थियो । छाता नभएकाहरु बरु सहजै गाडीमा छिरेका देखिन्थे । छाताले सबैलाई अल्मल्याइरहेको देखिन्थ्यो ।

Yamaha

दर्किएको पानीका कारण छाता, रेनकोट ओढेकाहरु पनि बाँकी रहेनन्, सबै रुझेका देखिन्थे । यो बेला दूधे बच्चा च्यापेर गाडी पर्खिरहेका महिलादेखि कलिला बालबालिका डोर्‍याएर घुम्न निस्केकाहरु निथ्रुक्क भिजे । पौने घण्टाको वर्षात्‌का बीच म प्रदर्शनीमार्ग हुँदै बागबजारतर्फ लागेँ । प्रदर्शनीमार्ग लाइन जाँदै गर्दा तीनजना दृष्टिविहीन एकअर्काका सहारा भई डेरातर्फ गइरहेका थिए । उनीहरुले बाटो बिराउँदा बीच–बीचमा पैदलयात्रुहरुले गाइडलाइन गरिरहेका थिए ।

बागबजार पुग्दा मुख्य गल्लीसँगै जोडिएको सहायक गल्लीमा घुँडा–घुँडासम्म छुने पानी जमेको थियो । गल्लीको वैकल्पिक बाटो नहुँदा स्थानीयहरु बाध्य भई भेलमा पाइला चाल्दै गरेका देखिन्थे । साउने झरीका बखत काठमाडौं उपत्यकाका बस्तीमा देखिने यस्ता दृश्य भने काठमाडौंवासीका लागि सामान्य जस्तै बन्न थालेको छ ।

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

रानीपोखरीबाट कमलपोखरी सारिएका माछा धमाधम मर्न थाले

शब्द/तस्बिर : सुरविन्द्रकुमार पुन

काठमाडौँ — कमलपोखरीका माछा धमाधम मर्न थालेका छन् । यी माछा अघिल्लो वर्ष मंसिरमा रानीपोखरीबाट नजिकैको कमलपोखरीमा सारिएका थिए । स्थानीयका अनुसार मंगलबार बिहानैदेखि मरेका माछा पोखरीमा तैरिएको अवस्थामा देखिएका हुन् ।

कमलपोखरीमा हाल तीन थरिको माछा रहेकोमा रानीपोखरीबाट ल्याइएका जुँगे माछाहरु कुनै ज्युँदो नरहेको स्थानीयको दाबी छ । ‘पोखरीमा अब दश प्रतिशतको हाराहारीमा मात्र माछा रहेको हुनुपर्छ’, स्थानीय सिंहबहादुर तामाङ भन्छन्, ‘पोखरीभरि बग्रेल्ती पौडिरहने माछा अब देखिन छाडेका छन् ।

जिउँदो देखिएका पनि सक्रिय भई पौडिन सकेका छैनन् ।’ पोखरीमा जोडिएको पाइपलाइनबाट आउने पानीमा कुनै विषादि मिसिएकाले पनि यस्तो हुन सक्ने तामाङको अनुमान छ । मंगलबारदेखि नै मरेका माछा पन्छाउन स्थानीय किशोरहरु खटिएका छन् ।

उनीहरु डुङ्गामा चढेर मरेका माछा संकलन गरिरहेका छन् । मरेका माछालाई व्यवस्थापन नगरिएकाले वरिपरिको वातावरण दुर्गन्धित बन्न पुगेको छ भने सो घटनाप्रति सम्बन्धित सरोकारवाला मौन रहेको स्थानीयको गुनासो छ ।


प्रकाशित : माघ ११, २०७४ ११:५५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT