भक्कानिए डा. केसी [तस्बिरहरु]

तस्बिर : कविन अधिकारी

काठमाडौँ — २७ दिनको अनशनले कमजोर भएका डा. गोविन्द केसीको १३ दिनसम्म शिक्षण अस्पतालमा उपचार भयो । सामान्य उपचारले नधानेपछि उनलाई सघन उपचार कक्ष (आईसीयु)मा समेत ६ दिन राखियो । जब तंग्रिन थाले, तब उनी मंगलबार डिस्चार्ज भए ।

Esewa Pasal

प्रकाशित : श्रावण २२, २०७५ १६:४१

डिस्चार्जका क्रममा आयोजित पत्रकार सम्मेलनमा उनको मुहारमा खुसी देखिएन । थियो त, केबल आशंका, चिन्ता र केही आक्रोश पनि । उनले आफ्नो अनशन तोडाउने क्रममा भएका सम्झौता, सहमति कार्यान्वयनमा लैजान सरकारसँग आग्रह गरे ।

Yamaha

सहमति लागू नभए कडा आन्दोलन गर्ने चेतावनीसम्म दिन भ्याए । लगत्तै भक्कानिँदै उनले भने, 'लामो समय अनशन बसेँ, बिरामी जाँच्न पाइनँ, फेरि १६ औं पटक अनशन बस्नु पर्ने हो कि !' आँसु रोक्न नकसेपछि डा.केसी पुछ्नतिर लागेपछि केहीबेर पत्रकार सम्मेलन नै सुनसान बन्न पुग्यो ।

डा. केसी स्वास्थ्य, शिक्षा सुधारको माग गत असार १६ देखि १५ औं पटकको अनशनमा थिए । उनले जुम्ला र काठमाडौंमा गरी २७ दिन लामो अनशन बसेपछि साउन १० गते राति सहमति गराउन सरकार बाध्य भएको थियो ।

प्रतिक्रिया
पठाउनुहोस्

चीनले बनायो आवाजभन्दा ६ गुणा छिटो गतिमा उड्ने विमान

कान्तिपुर संवाददाता

काठमाडौँ — चीनले आवाजभन्दा ६ गुणा बढी गति भएको आफ्नो पहिलो हाइपर सोनिक विमानको सफल परीक्षण सम्पन्न गरेको छ ।

सिङकङ–२ वा स्टारी स्काई–२ नाम दिइएको उक्त विमानले परमाणू अस्त्रहरु बोक्न सक्ने र विश्वमा अहिले निर्माण गरिएको कुनै पनि एन्टि मिसाइल डिफेन्स सिस्टमलाई छल्न सक्ने बताइएको छ।

चीनको उत्तरपश्चिम क्षेत्रमा गत शुक्रबार विमानको परीक्षण उडान सम्पन्न भएको चाइना एकेडेमी अफ एरोस्पेस एरोडाइनामिक्सले जनाएको छ।

यो विमानको रफ्तार आवाजको गतिभन्दा ६ गुणाले धेरै छ। शुक्रबारको परीक्षणमा विमानले प्रति घण्टा ७ हजार तीन सय ४४ किलोमिटरको गति तय गरेको थियो।

यो विमानले एक सेकेण्डमा २ दशमलव शून्य ४ किलोमिटरको दूरी पार गरेको थियो। जुन आवाजको गतिभन्दा ५ दशमलव ९ गुणाले छिटो हो।

यो विमानलाई मल्टी स्टेज रकेटको माध्यमबाट परीक्षण उडानका लागि आकाशमा छाडिएको थियो।

यो विमानमा चीनले वेभराइडर टेक्नोलजीको प्रयोग गरेको छ।वेभराइडर भएपछि हाइपरसोनिक विमानले लिफ्टिङका लागि आफ्नै शक वेभ्सहरु प्रयोग गर्ने गर्छ।

चाइना एकेडेमी अफ एरोस्पेस एरोडाइनामिक्सले विमानको गतिका अलवा विमानको हिट ब्यालेन्स थर्मल प्रोटेक्सन सिस्टमको समेत परीक्षण गरिएको जनाएको छ।

अमेरिका र रसियाले पनि यस्तै अनुसन्धान गरिरहेका छन्।

एजेन्सीको सहयोगमा

प्रकाशित : श्रावण २२, २०७५ १६:२५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT