नेपालगञ्जमा इदको उल्लास
नेपालगन्ज — धार्मिक सद्भावको शहर नेपालगन्जमा इदुल—अजहा (बकराईद) उल्लासका साथ मनाइएको छ । हजारौ मुस्लिमहरु नमाज पाठका लागि नेपालगञ्जको बीपीचोक नजिकैको मस्जिदमा जम्मा भएका थिए ।
नमाज पाठपछि एकापसमा गला मिलाएर शुभकामना आदानप्रदान गरिएको छ । इदको शुभकामना दिन विभिन्न धार्मिक अगुवाहरु, राजनीतिक दलका नेता र अगुवाहरु नमाज स्थलमा पुगेका थिए । उक्त अवसरमा प्रदेश सरकारले सार्वजनिक बिदा दिएको छ ।