गर्मी छल्न पोखरीमा

शब्द/तस्बिर : शाहीमान राई

जनकपुरधाम — ‘भदौरे घाममा भैंसीको छाला सुक्छ’ भनाई अहिले तराईमा लागु भएको छ । टन्टलापुर घाममा तराईका बासिन्दालाई निकै गाह्रो भएको छ । तराईमा अत्याधिक गर्मी बढेको छ । वर्षादको बेला सितल महशुस भएपनि यतिबेला चर्को घाम लागेकोले जनजीवन कष्टकर छ ।

प्रकाशित : भाद्र ७, २०७५ १२:२२

जल तथा मौसम विज्ञान विभागको प्रतिवेदनअनुसार तराईको विराटनगरदेखि नेपालगञ्जसम्मको अधिकतम तापक्रम ३६ देखि ३८ डिग्रिसेल्सियस र न्यूनतम तापक्रम २८ देखि ३२ डिग्रि र वर्षा शुन्य मिलिमिटर देखाएको छ । राती अंशिक बदली देखाएपनि दिउसो भने वर्षादको सम्भावना नरहेको जनाएको छ ।

अत्याधिक गर्मी भएकोले युवायुवती तथा महिला, पुरुष जनकपुरधाम आसपासको क्षेत्रमा रहेका तालतलैयामा पौडी खेलिरहेका छन् । शनिबार विद्यालय छुट्टी भएको मौकामा विद्यार्थीहरु गंगासागर, धनुषसागर, अङराजसर, विसहरा, गोरधोइलगायत प्रसिद्ध तालपोखरीमा पुगेका थिए ।

Yamaha

धार्मिक आस्था राखेर स्नान गर्ने तिर्थालु भक्तजनले रोगब्याधीवाट मुक्त हुने र मनोकांक्षा पूरा गर्ने विश्वासका साथ पूजाआजा गर्नका निम्ति यी पोखरीमा स्नान गर्दछन् । अहिले स्थानीय गर्मीवाट राहत पाउनकै लागि तालपोखरीमा पौडी खेल्ने गरेका छन् ।धनुषाको जनकपुरधामलगायत विभिन्न ठाउँमा साना ठूला एक सयभन्दा धेरै ताल/पोखरी छन् ।

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

वरिष्ठ भारतीय पत्रकार नायरको निधन

एजेन्सी

दिल्ली — भारतका प्रख्यात पत्रकार तथा मनाव अधिकारवादी कुलदीप नायरको ९५ वर्षको उमेरमा बिहीबार बिहान निधन भएको छ । उनी भारतमा सन् १९७५ मा लगाइएको संकटकालको घोर विरोधीका रुपमा परिचति थिए ।

उनलाई इन्दिरा गान्धीको नेतृत्वको तत्कालिन सरकारले संकटकालको विरोध गरेकै कारण जेल पनि हालेको थियो। द इण्डियन एक्सप्रेस पत्रिकाको सम्पादक रहिसकेका उनको १५ भन्दा बढी किताब प्रकाशित छन्।

उनको इण्डिया आफ्टर नेहरु, बियोण्ड द लाइन्स र इमरजेन्सी रीटोल्ड लगायतको पुस्तकहरु प्रख्यात छन्। उनले सन् १९९० मा बेलायतका लागि भारतको महावाणिज्य दूत समेत रहेर काम गरेका थिए।

उनको निधनमा भारतका प्रधानमन्त्री नरेन्द्र मोदीले समेत दु:ख व्यक्त गरेका छन्। मोदीले ट्वीट गर्दै भारतको प्रजातन्त्रका लागि उनले अतुलनीय योगदान गरेको बताएका छन्।


प्रकाशित : भाद्र ७, २०७५ ११:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT