जनैपूर्णिमाका दिन धार्मिक तीर्थस्थल गोसाइँकुण्डमा सयौं भक्तजनहरुले स्नान गरेका छन् । भाद्र १ गतेबाट १० गतेसम्म गोसाइँकुण्डमा मेला लागेको थियो । यसवर्ष ८ देखि ९ हजार भक्तजनहरुले कुण्डमा स्नान गरेको गोसाइँकुण्ड क्षेत्र विकास समिति अध्यक्ष सञ्जीव डिएमले बताए ।
अाइतबार हिन्दूधर्माबलम्बीहरुले रक्षा बन्धन र जनैपूर्णिमा मनाउँदै छन् । बिहानै देखि मन्दिरहरुमा सर्वसाधारणकाे घुइचाे लागेकाे छ । विश्व सम्पदामा सुचिकृत ललितपुरकाे पाटन बगंलामुखीस्थित कुम्भेश्वर मन्दिरमा अाज मेला पनि लाग्ने गरेकाे छ ।
बाग्मती सफाइ अभियानको २७६ औं हप्ता पुग्दा बाग्मती नदीमा शनिबार जलजात्रा मनाइयो । बाग्मती महोत्सवको यो १८ औं संस्करण रहेको आयोजकले जनाएको छ । ‘बाग्मती जलजात्रा २०१८’ नाम दिइएको सो उत्सवमा बाग्मती सफाइ अभियन्ताको उल्लेख्य सहभागिता थियो । उत्सवको मुख्य आकर्षण नदीमा र्याफ्टिङ गर्नु थियो ।
पुनर्निर्माण सम्पन्न भएपछि युनेस्को विश्व सम्पदा सूचीमा सुचीकृत पाटन दरबार क्षेत्रस्थित कृष्ण मन्दिर शुक्रबारबाट सर्वसाधारणका लागि खुला गरिएको छ । संस्कृति, पर्यटन तथा नागरिक उड्डयनमन्त्री रवीन्द्र अधिकारीले साँझको ४ बजे मन्दिरभित्र गईविधिवत् रुपमा पूजाआजा गरे । अधिकारीले कृष्ण मन्दिरबाटै त्यहाँस्थित पुरातात्विक सम्पदाहरुको अवलोकन गरे भनेअन्य मठमन्दिर समेत घुमे ।
‘भदौरे घाममा भैंसीको छाला सुक्छ’ भनाई अहिले तराईमा लागु भएको छ । टन्टलापुर घाममा तराईका बासिन्दालाई निकै गाह्रो भएको छ । तराईमा अत्याधिक गर्मी बढेको छ । वर्षादको बेला सितल महशुस भएपनि यतिबेला चर्को घाम लागेकोले जनजीवन कष्टकर छ ।
बुधबार बिहान १० बज्नै लाग्दा असिनपसिन हुँदै तारपुल (तुइन) को लठ्ठा तानेर शहिद लखन गाउँपालिका–४ का नारायण प्रजा विद्यालय हिँडे । नजिकै माध्यमिक विद्यालय नहुँदा ताक्लुङ ठेउवाटारका विद्यार्थी पृथ्वीराजमार्ग पारी चितवन कुरिनटारस्थित सर्वशान्ति माध्यमिक विद्यालयमा अध्ययन गर्न जान्छन् ।
इस्लाम धर्मावलम्बीले आफ्नो प्रसिद्ध पर्व बकर–इद आज उत्साहका साथ मनाइरहेका छन् । तीन दिनसम्म मनाइने यस पर्वलाई ‘इद–उल–अजहा’ पनि भन्ने गरिन्छ । यसलाई बलिदानीको पर्वका रुपमा लिइन्छ । इस्लाम महिना जुल हिज्जाको दशौँ दिन यो पर्व मनाउने गरिन्छ ।
धार्मिक सद्भावको शहर नेपालगन्जमा इदुल—अजहा (बकराईद) उल्लासका साथ मनाइएको छ । हजारौ मुस्लिमहरु नमाज पाठका लागि नेपालगञ्जको बीपीचोक नजिकैको मस्जिदमा जम्मा भएका थिए ।
म्याग्दीको अन्नपूर्ण गाउँपालिका–२, भुरुङ्ग तातोपानीको नागढुङ्गस्थित बेनी–जोमसोम सडकलाई कालीगण्डकी नदीले कटान गरेपछि पैदलयात्रु भीरमा झुण्डिएर यात्रा गर्न बाध्य भएका छन् ।