फूलैफूल [फोटोफिचर]
काठमाडौँ — दसैंको १५ दिनपछि आउने सबैभन्दा ठूला पर्वहरुमध्ये तिहार एउटा हो । तिहार आउन केही दिनमात्रै बाँकी रहँदा किसान, व्यापारीलगायत सबै नागरिकमा चटारो सुरु भएको छ । यस्तै एउटा उदाहरण बनेका छन्, काठमाडौं इचंगु हिलका फूलखेतीका किसान ।
हिन्दू धर्मावलम्वीले दीपावली (दिवाली)को रुपमा यस पर्वलाई धूमधामसाथ मनाउँछन् । यस पर्वको नाम हिन्दी शब्दको त्योहार शब्दबाट विकृत हुँदै तिहार बनेको अनुमान लगाइन्छ । यसलाई दीपावली अनि दिवाली नामले पनि जानिन्छ । यमराजले आफ्नी बहिनी यमुनाका घरमा आतिथ्य ग्रहण गरेकाले यी पाँच दिनलाई यमपञ्चक भनिएको छ । यमपञ्चकमा क्रमशः काग, कुकुर, गाई, लक्ष्मी, गोवर्धन र भाइ पूजा गरिन्छ । पिङ खेल्ने, दीपावली गर्ने, देउसीभैलो खेल्दै सेलरोटी आदि मिष्ठान्न खाई रमाइलो गरी तिहार मनाउने गरिन्छ ।
प्रकाशित : कार्तिक १८, २०७५ १७:५५