लुम्बिनीमा श्रीलंकन धुन [फोटोफिचर]

कठिनदान तथा पुजा गर्न श्रीलंकाबाट आएको सयजनाको टोली अघि बाजा बजाउँदै मायादेवी मन्दिर पुग्दा सबै स्वदेशी र विदेशीको ध्यान बाजाको धुनले तानेको थियो । नौलो र आकर्षक धुनमा सबै मुग्द देखिन्थे ।

‘पहिरन उत्तिकै आकर्षक थियो,’ मिक्षु श्रीवजिर प्रेमले भने, ‘बाजाको धुन सुन्दा शान्ति र बुद्धको अनुयाई त्यसै लठ्ठ पर्थे ।’

भगवान बुद्धलाई समेत उक्त बाजा मन दाबी श्रीलंकन उपासक प्रदीप हेमचन्द्रनले गरे । उनले भने, ‘त्यही भएर यो बाजा श्रीलंकामा निक्कै चर्चित छ ।’ त्यसैले पनि बुद्धका हरेक गतिविधिमा यो बाजा श्रीलंकामा बजाइने उनले बताए । उनको जन्मस्थल आई पवित्र धुनले लुम्बिनीलाई तरंगित गर्न पाउँदा निक्कै खुसी भएको कलाकार एसए रविनन्दनले बताए ।