बच्चासहित गैंडा बस्ती पसेपछि...

रमेशकुमार पौडेल

चितवन — नारायणघाट बजारको व्यस्त क्षेत्र सहिद चोक, पुलचोकबाट पुग नपुग दुई किलोमिटर पश्चिममा रहेको बाह्रघरे क्षेत्रमा दुर्लभ वन्यजन्तु एकसिंगे गैंडा देखिनु अचेल नौलो भएन । तर शुक्रबार बिहानपख बस्तीमा एउटा गैंडा बच्चासहित देख्दा स्थानीयहरु भन्दै थिए, ‘जंगलको गैंडा बच्चा जन्माउन अब बजार छिर्न थाले छ ।’ गैंडा हिजो साँझपख एक्लै देखिएको थियो । आज बिहान सानो बच्चासँगै थियो ।

प्रकाशित : पुस २०, २०७५ १२:०४

‘यता त दिनदिनै आउँछ गैंडा, कुन दिन हान्ने हो भन्ने डर छ । हिजो चार पाँच बजे एक्लै देखिएको गैंडा आज बिहान आठ बजे बच्चासहित निस्कियो,’ बाह्रघरेकी सरस्वती श्रेष्ठले भनिन् । घना बस्तीको बीचमा सानो चौर छ । त्यही चौरको झाडीभित्र बिहान बच्चासहितको गैंडा देखेपछि हेर्नलाई स्थानीयहरुको भीड लागेको थियो । १० बजे पछाडि गैंडा बच्चासहित नगरवन तर्फ लाग्यो ।

नारायणी नदीले बनाएको टापुलाई नगरवन भन्ने गरिएको छ । सिसौ रोपेर जंगल भएको नगर वनमा पछिल्लो समय गैंडा डुल्न थालेका छन् । तर त्यहाँ गैंडालाई खान मिल्ने घाँस भने छैन । त्यसैले रात परेपछि नजिकैको बस्तीमा छिर्न थालेका हुन् । बजार नजिकै रहेको बाह्रघरेमा मान्छेको बाक्लो ओहोरदोहोर भइरने समयमा गैंडा पनि बस्तीमा आउँदा त्रास फैलने गरेको छ ।

Citizen

बस्तीमा आउने गैंडालाई रोक्न वा स्थानान्तरण गरेर लैजान स्थानीयले माग गरेका छन् । वर्षायामदेखि नै गैंडाको ओहोरदोहोर बाक्लै हुन थालेको हो । तर अहिलेसम्म ठोस पहल भएको छैन । रामपुर क्षेत्रबाट एउटा गैंडा नियन्त्रणमा लिइए पनि अरु त्यसै छन् । नगर वनमा ५ देखि ७ वटा गैंडा रहेको अनुमान छ । साँझ पर्दा नपर्दै ति बस्ती तर्फ आउँछन् र बिहान अबेलासम्म बस्ने गर्छन् । खेती खाएमा स्थानीयले ढुंगा हान्ने, लखेट्ने पनि गर्छन् ।

प्रतिक्रिया
पठाउनुहोस्

दुई तिहाइको दम्भ

कान्तिपुर संवाददाता

काठमाडौँ — उल्झनको विषय बनेको र बदनामीको कारक नाबालिग निर्मला पन्तको हत्याकाण्ड (बलात्कार काण्ड), बमजन काण्ड, सुमार्गी र सिजी काण्ड, नेपाल एयरलाइन्सको वाइडबडी र मेलम्चीलगायत ठूला आयोजनामार्फत भएका भ्रष्टाचार काण्डलगायतलाई यथाशीघ्र किनारा लगाएर जो भए पनि दोषीलाई हदैसम्मको कारबाही गरेर नसुधार्ने हो भने सुनौलो भविष्य र समृद्ध नेपालको परिकल्पना हावादारी गफमा परिणत हुनेछ । 

दोषीलाई समाउन खुट्टा कमाउने प्रहरी प्रशासन, दोषी ठहर भएकालाई उन्मुक्ति दिने न्यायालाय, जनताले तिरेको करबाट तलब–भत्ता खाएर जनतालाई सेवा दिनुपर्नेमा उल्टै घुस नभई काम नगर्ने सरकारी कार्यालयका कर्मचारी, जनताको मतले राज्य सञ्चालनको अवसर पाएका सांसद, मन्त्री सबैलाई निगरानी तथा कारबाही गर्ने अख्तियार कार्यालय लगायतले देशलाई धमिराले झंै खोक्रो पार्नेहरुलाई कारबाहीको दायरामा ल्याउन ढिलाइ गर्नु हुँदैन । जे गरे पनि हुन्छ, दुई तिहाइ छँदै छ भन्नु हुँदैन ।
– अशोक तिवारी, बेलकोट–१०, नुवाकोट

प्रकाशित : पुस २०, २०७५ ११:०२
पूरा पढ्नुहोस्
प्रतिक्रिया
पठाउनुहोस्