अस्ट्रेलियामा नेपालको झझल्को [फोटोफिचर]

नारायण खड्का

अस्ट्रेलिया — नेपाली झन्डा, नेपाली पोसाक लगाएका सयौँ व्यक्तिहरूसँगै नेपाली परम्परागत पञ्चेबाजा र ढोलक सहित एका बिहानै दक्षिण अस्ट्रेलियाको अति व्यस्त सहर रण्डलमा देखिदा उक्त क्षेत्र आइतबार बिहानै नेपालमय बन्यो । सानो नेपाल झैँ देखिएको उक्त क्षेत्रमा रहेका उत्सुक विदेशीहरूले समेत चासो दिएर मिनी नेपाललाई अवलोकन गरे ।

प्रकाशित : वैशाख १, २०७६ १५:१८

एनआरएन अस्ट्रेलियाले हरेक दुई वर्षमा आयोजना गर्ने नेपाल महोत्सवको यसपटकको क्षण धेरै विदेशीहरूलाई नेपालको बारेमा जानकारी दिन सफल रह्यो । परम्परागत पोसाकमा सजिएका र हातमा नेपाल र अस्ट्रेलियाको झन्डा लिएर हिँडेका नेपालीहरू देख्दा विदेशीहरूले समेत ताली बजाएर स्वागत गरेका थिए । त्यसमा पनि नेपालबाट भर्खरै ल्याइएको पञ्चेबाजा विदेशीहरूको लागि रोचक विषय बनेको थियो । ुमहोत्सवलाई स्वागत गर्न बसेका उनीहरू आफ्नै भाषामा पञ्चेबाजाको बारेमा थप जानकारी लिने प्रयास आयोजकसँग गरिरहेका थिए ।

आइतबार दिनभरि चलेको नेपाल महोत्सवमा करिब ८ हजारले अवलोकन गरेको आयोजक संस्था एनआरएनका उपाध्यक्ष अशोक केसीले बताए । उनले आफूहरूले नेपालको पर्यटन र कलाको प्रवर्द्धन गर्ने उद्देश्य राखेर गरेको कार्यक्रम सफल भएको समेत सुनाए ।

कार्यक्रममा बालबालिका मन्त्री र्याचल स्याण्डरसनका साथै अन्य सांसद तथा नेताहरूका साथै एनआरएन ओसिनिया संयोजक धर्मराज अधिकारी, अस्ट्रेलिया अध्यक्ष टोनु घोताने लगायतकाको सहभागिता थियो । यसै गरी कार्यक्रममा नेपालबाट आएका कलाकारहरू जीवन शर्मा, बद्री पंगेनी, कर्ण दास, कालीप्रसाद बास्कोटा, मर्कस दासको प्रस्तुतिले समेत दर्शकहरूलाई मनोरञ्जन दिलाएका थिए ।

प्रतिक्रिया
पठाउनुहोस्
ADVERTISEMENT

नेपाली युवा अस्ट्रेलियामा सांसद्‌का उम्मेदवार

नारायण खड्का

अस्ट्रेलिया — यहाँको सत्तारुढ दल लिबरलले नेपाली युवा प्रमेज श्रेष्ठलाई संसद्‌मा उम्मेदवार बनाउने निर्णय गरेको छ । न्यु साउथ वेल्सको लिबरल पार्टीले उनलाई सिड्नीको बार्टन निर्वाचन क्षेत्रबाट उम्मेदवारका रुपमा चयन गरेको हो ।

अस्ट्रेलियामा यही मे १८ मा संसदीय निर्वाचन हुँदैछ । निर्वाचनमा उनले लेबरकी नेतृ लिण्डा बर्नी, ग्रिन्सका कोनोर पेरिसिस, युनाईटेड अस्ट्रेलियाका बेन ल्यु लगायतकासँग प्रतिस्पर्धा गर्नेछन् । यस निर्वाचन क्षेत्रले सिड्नीमा नेपालीहरुको सबैभन्दा धेरै बसोबास रहेका क्षेत्रहरु मानिने रकडेल, टेम्पे, वलाईक्रिक, कोग्राहा, हस्ट्रभिल, म्यारिकभिल लगायतका स्थानहरु समेट्छ । श्रेष्ठ अस्ट्रेलियामा रहेका नेपालीहरुको लिबरल पार्टी सम्बद्ध लिबरल फ्रेण्डस् अफ नेपालको युवा संयोजकसमेत हुन् । सत्तारुढ दलले नेपालीलाई संसद्को उम्मेदवारमा सिफारिस गरेको यो पहिलो अवसर हो ।

१ लाख ७ हजार मतदाता रहेको उक्त क्षेत्रमा विपक्षी दल लेबरले अधिकांश निर्वाचनमा जित हासिल गरेको भए पनि लिबरलको समेत राम्रो पकड रहेको क्षेत्रका रुपमा चिनिन्छ । सो निर्वाचन क्षेत्रमा सन् २०१३ मा भएको निर्वाचनमा लिबरलका निकोलास भारभारिसले जित हासिल गरेका थिए भने अघिल्लो निर्वाचनमा लेबरकी नेतृ लिण्डा बर्नि निर्वाचित छिन् । श्रेष्ठले अधिकांश युवाहरुको भोट तान्न सक्ने अनुमान लगाइएको छ ।

'यो मेरो लागि मात्र नभएर अस्ट्रेलियामा रहेका दोस्रो पुस्ताका नेपालीहरुलाई समेत अघि बढ्न प्रेरित गर्ने अवसर हो ।' सांसद्का उम्मेदवार बनेपछि उनले कान्तिपुरसँग भने । उनले अस्ट्रेलिया र अस्ट्रेलियाली मात्र नभएर नेपाली तथा नेपालले गर्व गर्नयोग्य काम गर्ने सुनाए । उनले आफ्नो चुनावी अभियान सुरु गरिसकेको समेत जानकारी दिए ।

प्रकाशित : चैत्र २९, २०७५ १५:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT