साताका ७ तस्बिर

कान्तिपुर संवाददाता

काठमाडौँ — यो साता कान्तिपुर डेली अनलाइनमा सांस्कृतिक विषयका फोटोले प्राथमिकता पाएको छ । विशेषगरी भक्तपुर र काठमाडौंमा मनाइने बिस्केट जात्राको तस्बिरहरु धेरै छापिए भने भक्तपुरमै भएको सिन्दुर जात्राका तस्बिर पनि समेटिए । त्यस्तै तामाङ समुदायले बौद्धमा मनाएको तेमाल जात्राको तस्बिर र सरकारले थालेको जेष्ठ नागरिक स्वास्थ्य विमा तथा खोलौ बैक खाता राष्ट्रिय अभियानको तस्बिरले पनि स्थान पाए ।

प्रकाशित : वैशाख ७, २०७६ १९:०५
चैत मसान्तको दिन बोडे महालक्ष्मी मन्दिर प्राङ्गणमा लिङ्गो उठाएपछि सुरु हुने जिब्रो छेड्ने जात्रा सोमबार मध्यान्ह सम्पन्न भएको छ । बुद्ध कृष्ण बाग श्रेष्ठले छैटौं पटक जिब्रो छेडाएसँगै जात्रा सकिएको हो । तस्बिर : इलिट जोशी

भक्तपुर मध्यपुर थिमिमा मनाइने प्रसिद्ध ऐतिहासिक एवं सांस्कृतिक ३२ खटसहितको सिन्दुर जात्रा अर्थात् सुथः सिया जात्रा धुमधामका साथ मनाइँदै । तस्बिर : अंगद ढकाल

Citizen

काठमाडौंको टोखास्थित बिस्केट जात्राको अवसरमा सात देवीदेउताको खट बोकिँदै । तस्बिर : कविन अधिकारी

सरकारले सुरु गरेको जेष्ठ नागरिक स्वास्थ्य विमा तथा खोलौं बैंक खाता राष्ट्रिय अभियानअन्तर्गत आइतबार राष्ट्रिय सभा गृहमा आयोजित कार्यक्रममा फोटो खिच्दै सहभागी बृद्ध । तस्बिर : हेमन्त श्रेष्ठ

बिस्केट जात्राको अन्तिम दिन भक्तपुर तौमडीस्थित भैरवको रथ तान्दै स्थानीयहरु तथा जात्रा अवलोकन गर्न आएका सर्वसाधारणहरु । यो जात्रा आठ रात नौ दिनसम्म मनाइन्छ । तस्बिर : अंगद ढकाल

काठमाडौंको बालाजुस्थित बाइसधारामा वैशाख पूर्णिमाको अवसरमा स्नान गर्दै बलाक तथा भक्तजनहरु । तस्बिर : इलिट जोशी

ADVERTISEMENT
प्रतिक्रिया
पठाउनुहोस्

पत्रकार महर्जनलाई राज्यविरूद्वको मुद्दा, आइतबार सर्वोच्चमा सुनुवाइ

कान्तिपुर संवाददाता

काठमाडौँ — नेत्रविक्रम चन्द नेतृत्वको नेकपा निकट जनपत्रकार संगठनका काठमाडौं  संयोजक जितेन्द्र महर्जनलाई राज्य विरूद्वको कसुरमा मुद्दा चलाइएको छ । चैत्र २८ गते पक्राउ परेका महर्जनलाई  महानगरीय प्रहरी परिसर टेकुले राज्य विरूद्वको कसुरसम्बन्धी मुद्दा लगाएको हो ।

गत चैत २६ गते परिसर टेकुले जारी गरेको थुनुवा पुर्जीमा लेखिएको छ, 'प्रहरी प्रतिवेदन जाहेरीले वादी नेपाल सरकार प्रतिवादी तपाई भएको राज्यविरुद्ध कसूर मुद्दामा तपाईलाई प्रहरी हिरासतमा राखि मुद्दाको कारबाही गर्नुपर्ने भएकोले आजैका मितिदेखि प्रहरी हिरासतमा राखी यो थुनुवा पुर्जी दिइएको छ ।' महर्जन नेपाल भाषाको पत्रिका `न्हूगु ज्वजलपा वा:पौ' का प्रधान सम्पादक हुन् ।

समाचार संकलनकै सिलसिलामा हिँडिरहेका बेला संयोजक महर्जनलाई प्नहरीले काठमाडौंबाट पक्राउ गरेको थियो ।

नेपाल पत्रकार महासंघले पत्रकार महर्जनको गिरफ्तारी गैरकानुनी भन्दै सर्वोच्च अदालतमा दायर गरेको बन्दी प्रत्यक्षीकरण रिटमा सुनुवाई गर्दै बन्दीसहित गिरफ्तार गर्नुको कारण पेस गर्न वैशाख २ गते सरकारलाई आदेश दिइएको थियो । जनपत्रकार संगठन नेपाल केन्द्रीय समिति र उपत्यका क्षेत्रीय समन्वय समितिले समेत विज्ञप्ति जारी गर्दै महर्जनलाई अबिलम्ब रिहाइको माग गरेका थिए ।

पत्रकार महर्जनको विषयमा आइतबार सर्वोच्चमा सुनुवाइ हुने छ । महर्जनका लागि वरिष्ठ अधिवक्ता एकराज भण्डारी, अधिवक्ता कपिलचन्द्र पोख्रेल, कान्ति ढुंगाना, चुँडाबहादुर तिवारी लगायतले कानुनी सहयोग गरिरहेको संगठनका महासचिव हिम विष्टले जानकारी दिए ।

प्रकाशित : वैशाख ७, २०७६ १८:२१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्