धूलो-हिलो खप्न नसकेपछि ललितपुरवासी पनि आन्दोलित [फोटोफिचर]

तस्बिर : बिजु महर्जन

ललितपुर — खराब बाटोका कारण दैनिक रूपमा धुँवाधूलो खेप्नुपरेको भन्दै सुनाकोठी, चापागाउँ हुँदै लेलेसम्मका स्थानीय बासिन्दाले अनिश्चितकालका लागि यातायात र सम्पूर्ण पसलहरु बन्द गरेका छन् । आइतबारबाट सडक निर्माण संघर्ष समितिले साँझ ५ बजेसम्म बन्दको आह्वान गरेको हो । चापागाँउको टाहाखेलदेखि धापाखेल दोबाटोसम्म उनीहरुले ठाउँ ठाउँमा अवरोध गरेका छन् । सडकमा प्रहरी नगन्य मात्रा परिचालित छन् । स्थानीयले ठाउँ ठाउँमा सडकमै टेन्ट गाडिएका छन् भने पसलहरु ठप्प छन् ।


प्रकाशित : वैशाख २९, २०७६ १५:११

विरोधमा उत्रिएका स्थानीय बासिन्दा प्रशासन र राजनीतिक दलले बेवास्ता गरेको भन्दै आक्रोश पोखिरहेका छन् । बन्दका स्थानीय र अन्य यात्रु मारमा छन् । बन्द खुलाउन कहींकतै पहल नभएको उनीहरुको गुनासो छ । केही दिन अघि बौद्धका स्थानीय पनि सडक निर्माण ढिला गरेको र धूलोधुँवा खपिनसक्नु भएको भन्दै आन्दोलित बनेका थिए ।

व्यवसाय नै बन्द गरेर व्यापारीहरु आन्दोलनमा उत्रेका छन् । 'सँधै धूलो खाएर बिरामी हुनुभन्दा सागपात खाएर बाँचौँला' स्थानीय रिजना श्रेष्ठले भनिन् ।

Citizen

प्रतिक्रिया
पठाउनुहोस्
ADVERTISEMENT

लुम्बिनीमा चिनियाँ बुद्ध जयन्ती [फोटोफिचर]

मनोज पौडेल

कपिलवस्तु — बुद्धस्थल लुम्बिनीमा चिनियाँ क्यालेण्डरअनुसार बुद्ध जयन्ती मनाइएको छ । चीनभर आइतबार मनाइएको बुद्ध जन्मजयन्ती नेपालमा यहाँ मनाइएको हो । चिनियाँ क्यालेण्डरअनुसार यस वर्षको २६४४ औं बुद्ध जन्मजयन्ती नेपालको भन्दा ६ दिन अघि परेको हो ।

लुम्बिनीस्थित चीनको चुोङहुवा बौद्ध मोनाष्ट्रीद्वारा आयोजित कार्यक्रममा मायादेवी मन्दिर परिसरमा पिपलको रुखमुनी विशेष मण्डप सजाएर बेबी बुद्ध (सिद्धार्थकुरमा) को मूर्तिलाई नुहाईदिएर धार्मिक विधिपूर्वक पूजाआजा गरी मनाइयो । बुद्ध जन्मना साथ नुहाइदिएकोले यहाँ पनि नुहाई दिएर पवित्र गरिएको थियो । यसअघि बेबी बुद्धको मूर्तिलाई मायादेवी मन्दिरभित्र लगेर बुद्ध जन्मेको ठाउँमा पूजाआजा गरिएको थियो । मूर्तिलाई भिक्षुहरु पुष्करणी पोखरी परिक्रमा गराएका थिए ।

कार्यक्रममा थाई, भियतनाम, म्यानमार, तिब्बती भिक्षु र थेराबाद बौद्ध धमावलम्बीले शिलप्रार्थना र पाठ गरेका थिए । जोङहुवा बौद्ध मोनाष्ट्रीद्वारा दोस्रो ठूलो भिक्षु सु चुङ्ग युङले चिनियाँ परम्पराअनुसार पूजाआजा गराएका थिए । चीनको आङखुई, फुचेन, सान्सी, सेन्चेन र सियान लगायतका ठाउँबाट बुद्धजयन्ती मनाउन यहाँ ८० उपासक उपासिका आएका थिए । उक्त अवसरमा लुम्बिनी विकास कोषका योजना प्रबन्धक सरोज भटराई र भियतनामी भिक्षु डा. लामले मन्तव्य दिएका थिए । त्यस्तै भियतनाम विहारले पनि आजै मायादेवी मन्दिर पूजाआजा गरी बुद्धजन्म जयन्ती मनाएको छ ।

प्रकाशित : वैशाख २९, २०७६ १४:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT