नारायणी नदी किनारबाट हिमाल र हरियाली नियाल्दा... (तस्बिरहरु)

रमेशकुमार पौडेल

चितवन — नारायणगढस्थित नारायणी नदी किनार बिहान, मध्यान्ह र साँझपख घुमफिर गर्नेहरुको राम्रै जमघट हुने ठाउँ भएको छ । गर्मीमा नदीको आडमा सित्तल हावा चल्छ । जाडोमा खुला चौरमा पहारिलो घाम लाग्छ । त्यसैले यहाँ जाडो वा गर्मी हरेक सिजनमा मान्छेहरु भेला भएको देखिन्छ । नदीको लहर र कलकलसँगै उत्तरको हरियो जंगल र पहाडको मनमोहक दृश्य हेरेर नरमाउने को होला र ।

प्रकाशित : जेष्ठ २४, २०७६ १५:२५

पानी परेर आकास खुलेका बेलामा टल्केको हिमालसमेत नदी किनारमा बसेर नियाल्न सकिन्छ । शुक्रबार बिहानपख झमझम पानी परेपछि आकास खुलेका कारण सेता हिमाल र हरिया पहाडको लोभ लाग्दो दृश्य नारायणगढबाटै देखिन्थ्यो ।

ADVERTISEMENT
प्रतिक्रिया
पठाउनुहोस्
ADVERTISEMENT

प्रेसलाई जिम्मेवार बनाउन मिडिया विधेयक : सञ्चारमन्त्री

दुर्गालाल केसी

दाङ — सूचना, सञ्चार तथा प्रविधिमन्त्री गोकुल बास्कोटाले मिडियालाई जिम्मेवार बनाउन मिडिया काउन्सिल विधेयक ल्याउन लागिएको बताएका छन् । पत्रकार महासंघले शुक्रबार घोराहीमा आयोजना गरेको पत्रकार भेटघाटमा बोल्दै उनले प्रेसलाई जनताप्रति बढी जवाफदेही बनाउन विधेयक ल्याएको दाबी गरे ।


‘सरकारको उद्धेश्य प्रेसलाई कमजोर पार्ने नभई मर्यादित र बलियो बनाउने हो। नयाँ विधेयकले मिडियालाई नियन्त्रण नभई नियमन गर्न खोजेको छ,’ उनले भने, ‘श्रमजीवि पत्रकार ऐन कार्यान्वयन गराउने, न्यूनतम पारिश्रमिक कडाइका साथ लागू गराउने जस्ता कुरालाई महत्व नदिएर विधेयकको विरोध मात्र गर्नु उचित होइन।’

पत्रकारलाई जरिवाना र कैद सजायको प्रावधानमा अझै पनि छलफल गर्न सकिने भए पनि अन्य सबै प्रावधान प्रेसकै हितमा रहेको उनले दाबी गरे। ‘कैद सजाय र जरिवानामा मात्रै छलफल गरेर केही विचार गर्न सकिएला,’ उनले भने, ‘अन्य प्रावधान प्रेसलाई अझ बढी व्यवस्थित गर्न सहयोगी छन्। हामी प्रेस स्वतन्त्रतताको विरोधी होइनौं। प्रेस स्वतन्त्र नै छ।’

सरकारका प्रवक्ता समेत रहेका बास्कोटाले सरकारले यसपटक मानिसको जीवनस्तर परिवर्तन गर्ने बजेट ल्याएको बताए। ‘विपन्न र सिमान्तकृत वर्गको मनोबल बढाउने खालको कार्यक्रम बजेटमा आएको छ,’ उनले भने, ‘समाजवाद उन्मुख नीति तथा कार्यक्रम र बजेट ल्याएर सरकारले जनताको पक्षमा काम गर्न खोजेको छ। पाँच वर्षमा धेरै महत्वपूर्ण काम गर्छौं। मिडियाले गरेका कामहरु पनि देखिदिनुपर्‍यो।’

प्रकाशित : जेष्ठ २४, २०७६ १५:१५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT