ललितपुरमा रोपाइँको चटारो [फोटोफिचर]

तस्बिर : केशव थापा

काठमाडौँ — यतिबेला उपत्यकाका किसानलाई रोपाइँको चटारो सुरु भएको छ । खेती लगाउने समयमा ठूलो वर्षा नभइ रहे पनि काठमाडौं, ललितपुर र भक्तपुरका किसानहरु राजकुलो लाग्ने खेतहरुमा रोपाइँ गर्न व्यस्त छन् । नेपालमा यस वर्ष मनसुन एक हप्ता ढिलो गरी भित्रिने जल तथा मौसम पूर्वानुमान महाशाखाले जनाएको छ । सामान्यत: नेपालमा जुन १० का दिन मनसुन भित्रिने गर्छ । ललितपुरको छम्पीमा जेठमै किसानहरु धान रोपीरहेका छन् । काठमाडौं उपत्यकामा रोपाइँ सुरु भए पनि उपत्यकाबाहिर ब्याड राख्ने काम भइरहेको छ । कतिपय प्रदेश र जिल्लाहरुमा पानी नपर्नाले मकैका बोट सुकेको, बिउ उम्रिन नपाएको किसानहरुको गुनासो छ । ललितपुरको रोपाइँका केही तस्बिर :


प्रकाशित : जेष्ठ २८, २०७६ १९:३५

ADVERTISEMENT
प्रतिक्रिया
पठाउनुहोस्

माटोको ढिस्कोले पुरिएर एक महिलाको मृत्यु 

कान्तिपुर संवाददाता

भक्तपुर — मध्यपुर थिमि-६ कुण्डोलस्थित घरको जग हाल्ने क्रममा माटोको ढिस्कालेले पुरिएर एक महिलाको मृत्यु भएको छ । प्रहरीका अनुसार मङ्गलबार दिउँसो सिन्धुपाल्चोक सुनखानी गाउँपालिका-५ घरभई कुण्डोलस्थित अम्मरबहादुर पराजुलीको घरको जग हाल्ने क्रममा ढिस्कोले पुरिएर पुरानो थिमि बस्ने ३५ वर्षीया रोजनी खड्काको मृत्यु भएको छ ।

ढिस्कोले पुरिएर सख्त घाइते खड्काको उपचारको क्रममा मध्यपुर अस्पतालमा मृत्यु भएको भक्तपुर प्रहरी प्रवक्ता डीएसपी रेवतीरमण पोखरेलले बताए ।

घटनामा सिन्धुपाल्चोक सुनखानी-५ का ३८ वर्षीय दावा तामाङ घाइते भएका छन् । घाइतेको मध्यपुर अस्पतालमै उपचार भइरहेको प्रहरीले जनाएको छ ।

प्रकाशित : जेष्ठ २८, २०७६ १८:५९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT