साताका ७ उत्कृष्ट तस्बिर

कान्तिपुर संवाददाता

काठमाडौँ — यो साता कान्तिपुर डेली डटकममा मौमसी प्रभाव, सांस्कृतिक पर्व र आन्दोलनका गतिविधिका तस्बिरहरुले प्राथमिकता पाएका छन् । जसमा गर्मी बढेपछि चितवन राष्ट्रिय निकुञ्जमा एक सिंगे गैंडा, जावलाखेलमा पाटेबाघ पानीमा डुबुल्की मारेको दृश्य पाठकले रुचाइए । त्यस्तै लोकसेवा आयोगको विज्ञापन, गुठी विधेयकको विरोधमा काठमाडौंका माइती घर मण्डलालगायत स्थानमा भएको प्रदर्शन लगायतका तस्बिरले यो साता स्थान पाएको छ ।


प्रकाशित : जेष्ठ ३२, २०७६ २०:२५
गैंडालाई गर्मी लागेपछि : चितवन राष्ट्रिय निकुञ्जमा अत्यधिक गर्मी छल्न पोखरीमा डुबुल्की मार्दै दुर्लभ एक सिंगे गौडा । गर्मी मौसममा गौडा पोखरी वा तालमा करिब आठ घण्टासम्म बस्ने गर्छ । तस्बिर : इलिट जोशी

युटुबर तथा हास्य कलाकार प्रनेश गौतमको रिहाइको मागसहित युवाहरु माइतीघर मण्डलामा प्रदर्शन गर्दै । तस्बिर : सन्जोग मानन्धर

गुठी विधेयकको विरोध गर्दै माइतीघर मण्डलामा भएको प्रदर्शनमा प्रहरीले हस्तक्षेप गरेको छ । प्रहरीले पानीको फोहोरा हान्नुका साथै धरपकड गरेको हो । तस्बिर : कविन अधिकारी

ललितपुरको जावलाखेलमा जोखिमपूर्वक भोटो जात्रा अवलोकन गर्दै सर्वसाधारण । तस्बिर : सन्जोग मानन्धर

विश्व सम्पदामा सूचीकृत बसन्तपुर डबलीमा ‘क्युरियो’ का पसलहरु । विदेशी तथा स्वदेशी पर्यटकका लागि धातु लगायत सामग्री बेच्नका लागि राखिएको हुन्छ । तस्बिर : आश्रुती त्रिपाठी

सरकारले संसद्‌मा प्रस्तुत गरेको गुठी विधेयकविरोधमा ईन्द्रचोकमा मुस्लिम समुदाय । तस्बिर : सन्जोग मानन्धर

प्रतिक्रिया
पठाउनुहोस्

आरक्षणसहित कर्मचारी भर्नाको विज्ञापन फेरि प्रकाशन गर्न माग 

कान्तिपुर संवाददाता

काठमाडौँ — आदिवासी जनजाति, मधेसी, दलित लगायत समुदायले स्थानीय तहमा कर्मचारी भर्नासम्बन्धी विज्ञापन पुन: प्रकाशन गर्न माग गर्दै सरकारको ध्यानार्षकण गराएका छन् । शनिबार संघीय मामिला तथा सामान्य प्रशासनमन्त्री लालबाबु पण्डितलाई संयुक्त ज्ञापन पत्र बुझाउँदै ती समुदायले आरक्षण सुनिश्चिततासहित लोकसेवा आयोगले फेरि विज्ञापन गर्नुपर्ने माग गरे ।

यसअघि आयोगले निकालेको विज्ञापन संविधान, ऐन, कानुनविपरीत र त्रुटीपूर्ण रहेको उनीहरुको ठहर छ ।

'संविधान र ऐन, कानुनविपरीत बदनियतपूर्वक गरिएको विज्ञापनलाई तुरुन्त फिर्ता लिई वर्तमान सरकारले लिएको विभेदकारी र त्रुटिपूर्ण निर्णय अविलम्ब रद्द गरी आरक्षण सुनिश्चिततासहितको अविलम्ब पुन: विज्ञापन गर्न गराउन जोडदार आग्रह गर्दछौं' ज्ञापन पत्रमा भनिएको छ, 'संविधानमा व्यवस्था भएबमोजिम समानुपातिक समावेशी सिद्धान्तबमोजित आरक्षणसहितको विज्ञापन हुनुपर्ने स्पष्ट पार्दछौं ।'

आरक्षणसहितको फेरि विज्ञापन गर्नुपर्ने, विज्ञापन खारेज गर्न संसद्को राज्य व्यवस्था समितिले दिएको निर्देशन कार्यान्वयन गर्नुपर्ने लगायत माग राखि जनजाति, मधेसी, मुस्लिम, पिछडिएको क्षेत्रका नागरिकले काठमाडौं केन्द्रित आन्दोलन गर्दै आएका छन् । माग सम्बोधन नगरिए थप आन्दोलन गर्न बाध्य हुने ती समुदायले चेतावनी पनि दिएको छ ।

ज्ञापन पत्र बुझाउन नेपाल आदिवासी जनजाति महासंघका उपाध्यक्ष नवीन रोका मगर, दलित गैसस महासंघका अध्यक्ष भक्त विश्वकर्मा, तराई-मधेस राष्ट्रिय परिषद्का सरोज राय, मुस्लिमको तर्फबाट कौसर साह, महिलाको तर्फबाट चम्पा कार्की, राष्ट्रिय अपांग महासंघका अध्यक्ष मित्रलाल शर्मा र पिछडिएको क्षेत्रको तर्फबाट ललित बुढामगर सिंहदरबार पुगेका थिए ।

लोकसेवा आयोगले जेठ १५ गते स्थानीय तहहरुमा रिक्त विभिन्न सेवा-समूहका प्राविधिक/अप्राविधिक ९ हजार १ सय ६१ जना कर्मचारीका लागि दरखास्त आह्वान गरेको थियो ।

प्रकाशित : जेष्ठ ३२, २०७६ २०:०२
पूरा पढ्नुहोस्
प्रतिक्रिया
पठाउनुहोस्