मनसुनको उत्कर्ष

शब्द/तस्बिर : जितेन्द्र साह

विराटनगर — महानगर विराटनगरमा बुधबार बिहान करिब छ बजेदेखि दुई घण्टा मुसलधारे वर्षा भयो । यो वर्ष मनसुन सुरु भए यता यति धेरै पानी परेको पहिलो पटक हो । त्यसपछि पनि झरी रोकिएन ।

प्रकाशित : असार २५, २०७६ १५:१८

थप दुई घण्टा यस्तै पानी परेको खण्डमा महानगरको धेरै क्षेत्र डुबानमा पर्न सक्ने सम्भावनालाई ध्यानमा राखेर महानगरपालिका कार्यालय, प्रहरी र प्रशासन तयारी अवस्थामा बसेको देखियो । तर, १० बजेको सेरोफेरोमा वर्षा थामिएपछि सबैले राहत महसुस गरे ।

यहाँ आइतबार साँझदेखि मनसुनले लय समातेको छ । रोकिइरोकिइ पानी परिरहेको छ । झमीझमी पानी परिरहँदा यो महानगरमा दुई खाले दृश्य देखिन्छ । सडक, नाला एवं ढल बनिसकेको क्षेत्रमा आवागमन सहज र पूर्वाधार निर्माण जारी रहेको थलोहरुमा ओहोरदोहोरमा सकस हुन्छ ।

सडक निर्माण चलिरहेको स्थानीय देवकोटा चोकदेखि हस्पिटल चोकसम्म भेल नै बगेको देख्छौं । घरपसल अगाडि घुँडासम्म पानी जमेको हुन्छ । बच्चाहरु जमेको वर्षाको पानीमा रमाइरहेका भेटिन्छन् । यो हिलाम्य एवं जलमग्न मार्गमा राष्ट्र बैंकको कार्यालय, जिल्ला समन्वय समिति, प्रदेश सचिवालय र महत्वपूर्ण अस्पतालहरु छन् ।

प्रतिक्रिया
पठाउनुहोस्

भोजपुर घटनामा प्रहरी महानिरीक्षकको दाबी - 'प्रहरी जवानलाई गोली हानेपछि जवाफी फायरिङ भएको हो'

भोजुपर घटनाबारे राज्य व्यवस्था समितिमा जानकारी
कान्तिपुर संवाददाता

काठमाडौँ — प्रहरी महानिरीक्षक सर्वेन्द्र खनालले भोजपुरमा भएको गोलीकाण्डबारे प्रतिनिधिसभा राज्य व्यवस्था तथा सुशासन समितिको बैठकमा जानकारी गराएका छन् । बुधबार बिहान बसेको बैठकमा कांग्रेसका सांसद दिलेन्द्रप्रसाद बडू र डिला संग्रौलाले घटनाबारे जानकारी गराउन माग गरेपछि महानिरीक्षक खनालले सो घटनाबारे जानकारी गराएका हुन् ।

उनका अनुसार भोजपुर नगरपालिका–७ स्थित हाटबजार लाग्ने स्थानमा सुरक्षाका लागि नेपाल प्रहरी खटिएको बेलामा अचानक नेत्रविक्रम चन्द समूहले गोली प्रहार गरेपछि घटना भएको हो । 'प्रहरी जवान सञ्जिव राईको छातीमा गोली लाग्यो र उनीहरुलाई नियन्त्रण गर्ने सन्दर्भमा प्रहरीबाट जवाफी फायर हुँदा विप्लव समूहका ओखलढुंगा इञ्चार्ज निरकुमार राईलाई पनि गोली लाग्न पुग्यो,' उनले भने । गोली लागेका दुवै जनाको उपचारका लागि अस्पताल लगेपछि चिकित्सकले मृत घोषणा गरेको थियो ।

उक्त घटनामा प्रहरी जवान थमनाथ भट्टराईको काँधमा गोली लागेको समेत खनालले जानकारी दिए । उनले सो क्रममा ठूलो चाइनिज पेस्तोल एक थान, त्यसको म्याग्जिन एक थान र उक्त पेस्तोलमा लाग्ने छ राउण्ड गोली बरामद भएको पनि उनले बताए ।
प्रहरी प्रधान कार्यालयले दिएको जानकारीअनुसार हतियारसहित केही व्यक्ति लुकिछिपी बसेको सूचनाका आधारमा आज ड्युटीमा खटिएको प्रहरीमाथि हतियारधारी समूहले एक्कासि फायर गरेपछि प्रहरीले जवाफी फायर गर्दा उक्त घटना भएको र घटनामा अन्य दुई जना प्रहरी जवानसमेत घाइते भएको जनाएको छ । उनीहरुको जिल्ला अस्पताल भोजपुरमा उपचार भइरहेको छ ।
उक्त समूहका अन्य चार/पाँच जना फरार रहेकाले खोजतलास जारी रहेको र घटनाका सम्बन्धमा थप अनुसन्धान भइरहेको जनाइएको छ ।

प्रकाशित : असार २५, २०७६ १५:०७
पूरा पढ्नुहोस्
प्रतिक्रिया
पठाउनुहोस्